భగత్‌ సింగ్‌ కోసం భారీ సెట్‌

పవన్‌ కల్యాణ్‌ కథానాయకుడిగా నటిస్తున్న చిత్రం ‘ఉస్తాద్‌ భగత్‌సింగ్‌’. శ్రీలీల కథానాయిక. హరీశ్‌ శంకర్‌ దర్శకత్వం వహిస్తున్నారు. మైత్రీ మూవీ మేకర్స్‌ సంస్థ నిర్మిస్తోంది. ఈ చిత్రం కోసం హైదరాబాద్‌లో కళా దర్శకుడు ఆనంద్‌ సాయి నేతృత్వంలో ఓ భారీ సెట్‌ని తీర్చిదిద్దుతున్నారు. తదుపరి షెడ్యూల్‌ ఈ సెట్‌లోనే జరగబోతోంది. ఇక్కడే పవన్‌ కల్యాణ్‌, శ్రీలీల, ఇతర తారాగణంపై కీలక సన్నివేశాల్ని తెరకెక్కించడానికి సన్నాహాలు చేస్తున్నారు. ఇటీవల ‘ఉస్తాద్‌..’ గ్లిమ్స్‌ని విడుదల చేశారు. ఈ ప్రచార చిత్రానికి మంచి స్పందన వస్తోంది. ‘గబ్బర్‌ సింగ్‌’ తరవాత పవన్‌ – హరీశ్‌ కాంబోలో రూపుదిద్దుకొంటున్న చిత్రమిది. అందుకే భారీ అంచనాలు ఏర్పడ్డాయి. రామ్‌ – లక్ష్మణ్‌ తీర్చిదిద్దిన యాక్షన్‌ సన్నివేశాలు ఈ చిత్రానికి ప్రధాన ఆకర్షణగా నిలుస్తాయని చిత్రబృందం చెబుతోంది. సంగీతం: దేవిశ్రీ ప్రసాద్‌.