ఆర్‌ఆర్‌ఆర్‌ చిత్రాన్ని ఎన్నిసార్లు చూశానో!

జూనియర్‌ ఎన్టీఆర్‌, రామ్‌చరణ్‌ నటించిన ‘ఆర్‌ఆర్‌ఆర్‌’ చిత్రాన్ని ప్రశంసిస్తున్న విదేవా చిత్ర ప్రముఖుల సంఖ్య రోజు రోజుకీ పెరిగిపోతోంది. దర్శకుడు రాజమౌళి రూపొందించిన ఈ విజువల్‌ వండర్‌ చాలా బాగుందని వారంతా మెచ్చుకుంటున్నారు. తాజాగా హాలీవుడ్‌ నటుడు, విలన్‌ పాత్రలతో అలరించే జోనాథన్‌ మేజర్స్‌ కూడా ఈ సినిమా సూపర్‌ అని చెప్పారు. ‘ఆర్‌ఆర్‌ఆర్‌’ చిత్రాన్ని ఎన్ని సార్లు చూశానో లెక్కే లేదు. ఎన్టీఆర్‌, రామ్‌చరణ్‌ల నటన నాకు బాగా నచ్చింది. ఇండియన్‌ సినిమాలను చూడమని నా స్నేహితులకు చెబుతున్నాను’ అన్నారు. జోనాథన్‌ నటించిన ‘కాంగ్‌ ద కాంకరర్‌’ చిత్రం త్వరలో విడుదల కానుంది.