ఆయన నిర్ణయం బాధించింది

రజనీకాంత్‌ రాజకీయ అరంగేట్రం చేయకపోవడం తనను ఎంతగానో బాధించిందని ఆయన భార్య లతా రజనీకాంత్‌ అన్నారు. తమిళనాడులో ఇప్పుడున్న పరిస్థితుల్లో ఆయన గనుక రాజకీయాల్లో ఉండి ఉంటే సూపర్‌ పవర్‌గా ఎదిగేవార ని చెప్పారు. ఇటీవలే ఆమె ఓ కార్యక్రమంలో పాత్రికేయులతో మాట్లాడారు. రజనీకాంత్‌లో గొప్ప నాయకుణ్ణి చూశాను, ఆయన రాజకీయాల్లోకి రాకపోవడానికి ఓ బలమైన కారణం ఉందన్నారు. అలాగే ‘కొచ్చాడయాన్‌’ చిత్రానికి సంబంధించి తనపై నడుస్తున్న చిటీంగ్‌ కేసు గురించి మాట్లాడుతూ... ‘నేను కేవలం రుణానికి హామీదారుగా మాత్రమే ఉన్నాను, ఆ డబ్బుతో నాకు సంబంధం లేదు, సెలబ్రిటీలుగా ఉన్నందుకు ఈ రూపంలో మూల్యం చెల్లించుకుంటున్నాం’ అని తెలిపారు.