అమ్మాయిలకు బాగా నచ్చుతుంది
ABN , First Publish Date - 2023-08-10T04:33:41+05:30 IST
శ్రీసింహ కోడూరి కథానాయకుడిగా ఫణిదీప్‌ దర్శకత్వం వహించిన చిత్రం ‘ఉస్తాద్‌’. ఈ నెల 12న విడుదలవుతోంది. ఈ సందర్భంగా కథానాయిక కావ్యా కల్యాణ్‌రామ్‌ సినిమా విశేషాలను మీడియాతో...
శ్రీసింహ కోడూరి కథానాయకుడిగా ఫణిదీప్‌ దర్శకత్వం వహించిన చిత్రం ‘ఉస్తాద్‌’. ఈ నెల 12న విడుదలవుతోంది. ఈ సందర్భంగా కథానాయిక కావ్యా కల్యాణ్‌రామ్‌ సినిమా విశేషాలను మీడియాతో పంచుకున్నారు.
రజనీకాంత్‌ ‘జైలర్‌’, చిరంజీవి ‘భోళాశంకర్‌’ చిత్రాలతో పాటు మా ‘ఉస్తాద్‌’ సినిమా విడుదలవుతోంది. పెద్ద సినిమాలతో పాటు విడుదలవుతున్నా, కంటెంట్‌పైన చాలా నమ్మకంగా ఉన్నాం. ‘ఉస్తాద్‌’ మాకు బాగా నచ్చింది. జనాలకూ నచ్చుతుందనే నమ్మకం ఉంది.
హీరో తన బైక్‌ను ‘ఉస్తాద్‌’ అని పిలుస్తాడు. తను పైలట్‌గా జాబ్‌ సంపాదించడం అనే అంశం చుట్టూ కథ తిరుగుతుంది. యువతకు ఈ సినిమా బాగా నచ్చుతుంది. హీరో ప్రియురాలు మేఘన పాత్ర పోషించాను. అనుకున్నది ఎంత కష్టమైనా సాధించగలిగే వ్యక్తిత్వం ఉన్న అమ్మాయి. అమ్మాయిలకు నా పాత్ర బాగా నచ్చుతుంది.
దర్శకుడు గౌతమ్‌ మీనన్‌ ఈ చిత్రంలో కీలకపాత్ర పోషించారు. ఆయన వ్యాఖ్యానంతోనే ‘ఉస్తాద్‌’ చిత్రం మొదలవుతుంది. తెలుగు అమ్మాయిలకు హీరోయిన్లుగా అవకాశాలు రావు అనుకోవడం నిజం కాదు. శ్రీదేవి, సావిత్రి ఇతర భాషల్లోనూ గొప్ప కథానాయికలుగా రాణించారు కదా!.