గల గల పారే ఏరులా...

నందిని రెడ్డి దర్శకత్వం వహించిన చిత్రం ‘అన్నీ మంచి శకునములే’. సంతోశ్‌ శోభన్‌ కథానాయకుడు. మాళవిక నాయర్‌ కథానాయిక. స్వప్న సినిమాస్‌ పతాకంపై ప్రియాంక దత్‌ నిర్మించారు. మే 18న ఈ చిత్రాన్ని ప్రేక్షకుల ముందుకు తీసుకొస్తారు. గురువారం ఈ చిత్రం నుంచి ‘గల గల ఏరులా’ అంటూ సాగే గీతాన్ని విడుదల చేశారు. రెహమాన్‌ రాసిన గీతమిది. మిక్కీ జే.మేయర్‌ స్వరాలు అందించారు. రకుల్‌, రమ్యభట్‌ ఆలపించారు. ‘‘ఇటలీలోని అందమైన లొకేషన్లలో తెరకెక్కించిన గీతమిది. హృద్యంగా సాగిపోయే ఈ పాటలో హీరో, హీరోయిన్ల కెమిస్ర్టీ చక్కగా కుదిరింది. ఇంటిల్లిపాదికీ నచ్చే ఈ సినిమా ఈ వేసవిలో చిరుజల్లులా హాయినిస్తుంద’’ని దర్శక నిర్మాతలు తెలిపారు.