పులికి అందరూ సలాం కొడతారు

ఎన్టీఆర్‌ కథానాయకుడిగా కొరటాల శివ దర్శకత్వంలో తెరకెక్కుతోన్న చిత్రం ‘దేవర’. జాన్వీకపూర్‌ కథానాయిక. ప్రస్తుతం చిత్రీకరణ జరుగుతోంది. వచ్చే ఏడాది ప్రేక్షకుల ముందుకు రానుంది. భారీ అంచనాలతో వస్తున్న ఈ చిత్రానికి అనిరుద్‌ సంగీతం అందిస్తున్నారు. ఈ చిత్రానికి సంబంధించిన స్పెషల్‌ అప్‌డేట్‌ను సంగీత దర్శకుడు అనిరుద్‌ వెల్లడించారు. ‘దేవర’ చిత్రం టీజర్‌ను సిద్ధం చేసే పనిలో ఉన్నట్లు బుధవారం సోషల్‌ మీడియా ద్వారా తెలిపారు. ‘పులికి అందరూ సలాం కొడతారు’ అంటూ ఆయన టీజర్‌పై అంచనాలు పెంచారు. ఈ చిత్రాన్ని యువసుధ ఆర్ట్స్‌, ఎన్టీఆర్‌ ఆర్ట్స్‌ సంయుక్తంగా నిర్మిస్తున్నాయి.