వినోదాల విందు భోజనం

శ్రీవిష్ణు కథానాయకుడిగా నటించిన చిత్రం ‘సామజవరగమన’. రెబా మోనికా జాన్‌ కథానాయిక. రామ్‌ అబ్బరాజు దర్శకత్వం వహించారు. రాజేశ్‌ దండా నిర్మాత. ఈనెల 29న ఈ చిత్రాన్ని విడుదల చేస్తున్నారు. దర్శకుడు మాట్లాడుతూ ‘‘ఆద్యంతం నవ్వులు పంచే చిత్రమిది. సంపూర్ణ విందు భోజనంలా ఉంటుంది. శ్రీవిష్ణు పాత్ర చిత్రణ, కుటుంబ నేపథ్యంలో వచ్చే సన్నివేశాలు అలరిస్తాయి. పాటలకూ, ప్రచార చిత్రాలకు మంచి స్పందన వచ్చింది. గోపీసుందర్‌ బాణీలు గుర్తుండిపోతాయి. శ్రీవిష్ణు కెరీర్‌లో ఓ మంచి సినిమాగా మిగిలిపోతుందన్న నమ్మకం ఉంద’’న్నారు దర్శకుడు. నరేశ్‌, సుదర్శన్‌, శ్రీకాంత్‌ అయ్యంగార్‌, వెన్నెల కిశోర్‌ తదితరులు నటించారు. సమర్పణ: అనిల్‌ సుంకర.