ధమ్కీ ఇచ్చేది అప్పుడే..

ABN , First Publish Date - 2023-03-11T00:47:44+05:30 IST

విశ్వక్‌సేన్‌ నటించిన పాన్‌ ఇండియా చిత్రం ‘దాస్‌ కా ధమ్కీ’. ఆయనే స్వీయ దర్శకత్వంలో నిర్మించారు.

ధమ్కీ ఇచ్చేది అప్పుడే..

విశ్వక్‌సేన్‌ నటించిన పాన్‌ ఇండియా చిత్రం ‘దాస్‌ కా ధమ్కీ’. ఆయనే స్వీయ దర్శకత్వంలో నిర్మించారు. నివేదా పేతురాజ్‌ కథానాయిక. ఈనెల 22న ఈ చిత్రాన్ని విడుదల చేస్తున్నారు. ఆదివారం ట్రైలర్‌ ఆవిష్కరిస్తారు. ఈ సినిమాలో విశ్వక్‌ రెండు పాత్రల్లో కనిపించనున్నాడు. ఓ పాత్ర మాస్‌ అయితే, మరోటి క్లాస్‌. ఈ రెండు పాత్రలకూ మధ్య ఉన్న సంబంధం ఏమిటన్నది సస్పెన్స్‌. ఇప్పటికే విడుదల చేసిన పాటలకు, ప్రచార చిత్రాలకు మంచి స్పందన వస్తున్నట్టు చిత్రబృందం తెలిపింది. త్వరలోనే ప్రీ రిలీజ్‌ కార్యక్రమాన్ని ఘనంగా నిర్వహించబోతున్నారు. ఈ ఈవెంట్‌కి ఎన్టీఆర్‌ అతిథిగా వస్తున్నాడని ప్రచారం జరుగుతోంది. లియోన్‌ జేమ్స్‌ సంగీతం అందించిన ఈ చిత్రంలో రావు రమేశ్‌, హైపర్‌ ఆది, రోహిణి, ఫృథ్వీ రాజ్‌ కీలక పాత్రలు పోషించారు.

Updated Date - 2023-03-11T00:47:45+05:30 IST