సూర్యాపేట జంక్షన్‌లో..

‘కొత్తగా మా ప్రయాణం’ చిత్రంలో హీరోగా నటించిన ఈశ్వర్‌, నైనా సర్వర్‌ జంటగా నటించిన ‘సూర్యాపేట్‌ జంక్షన్‌’ చిత్రం టీజర్‌ విడుదలైంది. హీరో ఈశ్వర్‌ ఈ ట్రైలర్‌ను విడుదల చేశారు. ఆయన మాట్లాడుతూ ‘నా కథని నమ్మి దర్శకుడు రాజేశ్‌ రెండున్నర ఏళ్లు నాతో జర్నీ చేశారు. ఒక యథార్థ కథతో ఈ సినిమా రూపుదిద్దుకొంది’ అన్నారు. సినిమా బాగా వచ్చిందనీ, హీరో, ఇతర నటీనటులు, దర్శకుడు ఈ చిత్రం కోసం ఎంతో కష్టపడ్డారనీ నిర్మాతల్లో ఒకరైన నల్లపల్లి శ్రీనివాస్‌ చెప్పారు. చిత్రంలో తనకు అవకాశం ఇచ్చిన దర్శక నిర్మాతలకు హీరోయిన్‌ నైనా కృతజ్ఞతలు తెలిపారు. ఈ చిత్రానికి అనిల్‌కుమార్‌ కాట్రగడ్డ, విష్ణువర్ధన్‌ నిర్మాతలు.