ఆత్మల కోసం అన్వేషణ

విజయ్‌ ధరణ్‌ దాట్ల, సిమ్రాన్‌ గుప్తా, అనన్య నాగళ్ల ప్రధాన పాత్రలు పోషిస్తున్న చిత్రం ‘అన్వేషి’. విజే ఖన్నా దర్శకుడు. టి.గణపతిరెడ్డి నిర్మాత. సోమవారం ప్రముఖ నిర్మాత డి.సురేశ్‌బాబు చేతుల మీదుగా టీజర్‌ ఆవిష్కరించారు. ఈ సందర్భంగా దర్శకుడు మాట్లాడుతూ ‘‘ఇదో సైకలాజికల్‌ థ్రిల్లర్‌. డిటెక్టివ్‌ కావాలనుకొన్న యువకుడు ప్రేమలో పడతాడు. ఓ పనిమీద మారేడు కోనకు వెళ్లాల్సివస్తుంది. అక్కడే తన జీవితం అనుకోని మలుపులు తిరుగుతుంది. ఆత్మలు ఉన్నాయా? లేదా? అనే అన్వేషణలో ఆ డిటెక్టివ్‌కి ఎలాంటి నిజాలు తెలిశాయి. అసలు ఆత్మలు నిజంగానే ఉంటే ఏమవుతుంది? ఈ కోణంలో జరిగే కథ ఇది. సంగీతం, నేపథ్య సంగీతం ఈ చిత్రానికి ప్రధాన బలం’’ అన్నారు.