చరిత్రకెక్కని కథ

అరోరా శ్రీ టైటిల్‌ పాత్రలో నటిస్తున్న హీరోయిన్‌ ఓరియంటెడ్‌ చిత్రం ‘హలో బేబీ’. రాం గోపాల్‌ రత్నం దర్శకుడిగా పరిచయమవుతున్నారు. కాండ్రేగుల ఆదినారాయణ నిర్మాత. శనివారం చిత్రీకరణ ప్రారంభమైంది. దర్శకుడు యాదకుమార్‌ క్లాప్‌ ఇచ్చారు. ఈ సందర్భంగా నిర్మాత మాట్లాడుతూ ‘నా బేనర్‌లో ఇది ఏడో చిత్రం. ఇప్పటివరకూ ఇండియన్‌ హిస్టరీలో లేని కథతో ఈ సినిమా చేస్తున్నాం’ అన్నారు. మంచి కథతో దర్శకుడిగా పరిచయమవుతున్నందుకు ఆనందంగా ఉందని రాం గోపాల్‌ రత్నం చెప్పారు. విభిన్నమైన కథలో ఛాలెంజింగ్‌గా ఉండే పాత్ర చేస్తున్నానని అరోరా శ్రీ తెలిపారు. ఈ చిత్రానికి నితిన్‌ సంగీతం అందిస్తున్నారు. సినిమాటోగ్రఫీ: రమణ