పల్లెటూరి ప్రేమకథ

వినాయక్‌ దేశాయ్‌, అపర్ణా దేశాయ్‌ జంటగా రూపుదిద్దుకొంటున్న ప్రేమకథా చిత్రం ‘రాధామాధవం’. దాసరి ఇస్సాకు దర్శకత్వంలో గోనాల్‌ వెంకటేశ్‌ నిర్మిస్తున్నారు. షూటింగ్‌ పార్ట్‌ పూర్తి చేసుకున్న ఈ చిత్రం ప్రమోషనల్‌ కార్యక్రమాలకు శ్రీకారం చుట్టింది. ఇందులో భాగంగా సినిమా ఫస్ట్‌ లుక్‌ పోస్టర్‌ను నిర్మాత రాజ్‌ కందుకూరి ఆవిష్కరించారు. కంటెంట్‌ ఉంటే చిన్న చిత్రాలను సైతం ఆదరిస్తారని, అలాగే గ్రామీణ ప్రేమకథతో రూపుదిద్దుకున్న ఈ సినిమా కూడా విజయం సాధించాలని రాజ్‌ కందుకూరి కోరారు. దర్శకుడు దాసరి ఇస్సాకు మాట్లాడుతూ ‘పల్లెటూరి ప్రేమకథతో రూపుదిద్దుకున్న ఈ చిత్రంలో ఆసక్తికరరమైన అంశాలు ఎన్నో ఉన్నాయి. తప్పకుండా విజయం సాధిస్తుందని అనుకుంటున్నాం’ అన్నారు. ఇది తనకు రెండో సినిమా అనీ, ప్రేక్షకులు ఆదరించాలని హీరో వినాయక్‌ కోరారు.