చిరుజల్లులాంటి ప్రేమకథ

కృష్ణవంశీ హీరోగా పరిచయమవుతున్న ప్రేమకథా చిత్రం ‘అలనాటి రామచంద్రుడు’. చిలుకూరి ఆకాశ్‌రెడ్డి దర్శకత్వంలో హైమావతి, శ్రీరామ్‌ జడపోలు నిర్మిస్తున్నారు. మోక్ష కథానాయిక. ఆదివారం ఈ చిత్రం ఫస్ట్‌లుక్‌ను యూనిట్‌ విడుదల చేసింది. స్టైలిష్‌ లుక్‌లో హీరో, భరతనాట్య కళాకారిణిగా హీరోయిన్‌ను పరిచయం చేస్తూ రూపొందించిన పోస్టర్‌ ఆకట్టుకుంటోంది. ఈ సందర్భంగా నిర్మాతలు మాట్లాడుతూ ‘ఆకాశ్‌రెడ్డి లఘు చిత్రాలు తీసి అవార్డులు అందుకున్నారు. కుటుంబంతో కలసి చూడాల్సిన చిత్రమిద’ని చెప్పారు. సరికొత్త ప్రేమకథాంశంతో రూపొందిస్తున్న ఈ చిత్రం ఓ చిరుజల్లులా హాయిగా ఉంటుందని దర్శకుడు అన్నారు. బ్రహ్మాజీ, సుధ కీలకపాత్రలు పోషిస్తున్నారు. సంగీతం: శశాంక్‌ తిరుపతి