పోరాట యోధుని కథ

క్యూబా పోరాట యోధుడు చేగువేరా జీవితకథ ఆధారంగా రూపొందుతున్న ‘చే’ చిత్రం ట్రైలర్‌ను యూనిట్‌ విడుదల చేసింది. బీఆర్‌ సభావత్‌ నాయక్‌ టైటిల్‌ రోల్‌ పోషిస్తూ దర్శకత్వం వహిస్తున్నారు. ఆయన మాట్లాడుతూ ‘ క్యూబా తర్వాత ప్రపంచంలోనే తొలిసారిగా భారతీయ చిత్ర పరిశ్రమలో రూపొందుతున్న చేగువేరా బయోపిక్‌ ఇది. ఈ సినిమా తీయాలన్నది నా ఇరవై ఏళ్ల కల. చేగువేరా జీవితంలో జరిగిన ఎన్నో అరుదైన విషయాలను ఈ సినిమాలో చూపిస్తున్నాం. క్వాలిటీ విషయంలో ఎక్కడా కాంప్రమైజ్‌ కావడం లేదు. ఈ మూవీ పోస్టర్‌ను చేగువేరా కుమార్తె డాక్టర్‌ అలైదా గువేరా విడుదల చేయడం అదృష్టంగా భావిస్తున్నాను. డిసెంబర్‌ మొదటి వారంలో ఈ సినిమాను విడుదల చేస్తాం’ అని చెప్పారు.