6 గెటప్పులు.. 38 భాషలు
ABN , First Publish Date - 2023-11-21T00:28:34+05:30 IST
సినిమాకి భాషా పరమైన హద్దులెప్పుడో చెరిగిపోయాయి. ప్రాంతీయ చిత్రం కూడా ప్రపంచవ్యాప్తంగా విజయబావుటా ఎగరేస్తోంది. ‘పాన్‌ ఇండియా’ పాత మాట...
సినిమాకి భాషా పరమైన హద్దులెప్పుడో చెరిగిపోయాయి. ప్రాంతీయ చిత్రం కూడా ప్రపంచవ్యాప్తంగా విజయబావుటా ఎగరేస్తోంది. ‘పాన్‌ ఇండియా’ పాత మాట. ఇప్పుడంతా ‘గ్లోబల్‌ సినిమా’నే. అందులో భాగంగా ప్రముఖ నటుడు సూర్య కూడా ఓ పాన్‌ వరల్డ్‌ చిత్రాన్ని రూపొందిస్తున్నారు. ఆయన కథానాయకుడిగా తెరకెక్కుతున్న చిత్రం ‘కంగువా’. శివ దర్శకత్వం వహించిన ఈ చిత్రాన్ని స్టూడియో గ్రీన్‌ సంస్థ నిర్మించింది. వచ్చే యేడాది ఏప్రిల్‌ 11న ఈ చిత్రాన్ని ప్రపంచ వ్యాప్తంగా ఒకేసారి 38 భాషల్లో విడుదల చేయనున్నారు. విజువల్‌ ఎఫెక్ట్స్‌కి పెద్ద పీట వేసిన చిత్రమిది. త్రీడీ హంగులు ప్రధాన ఆకర్షణగా నిలవబోతున్నాయి. సూర్య ఓ యుద్ధ వీరుడిగా కనిపించనున్నారు. ఆయన ఆరు రకాల గెటప్పుల్లో దర్శన మివ్వబోతున్నారని టాక్‌. దిశా పటానీ కథానాయిక. దేవిశ్రీ ప్రసాద్‌ సంగీతాన్ని సమకూరుస్తున్నారు.