Keerthy Suresh: వరుణ్ ధావన్ తో బాలీవుడ్ డెబ్యూ సినిమాకి రెడీ అవుతోంది

ఈమధ్య దక్షిణాదికి చెందిన నయనతార (Nayanthara) హిందీలో షారుఖ్ ఖాన్ (ShahRukhKhan) పక్కన నటించి 'జవాన్' #Jawan సినిమాతో ఆరంగేట్రం చేసి పెద్ద హిట్ కొట్టింది. ఇప్పుడు ఇంకో నటీమణి కీర్తి సురేష్ (KeerthySuresh) హిందీలో ఆరంగేట్రం చేయబోతోంది. ఆమె వరుణ్ ధావన్ (VarunDhawan) పక్కన నటిస్తోంది. తమిళ సినిమా 'తెరి' #Theri హిందీలో రీమేక్ చేస్తున్నారు, దాంట్లో కీర్తి సురేష్ ఒక కథానాయికగా నటిస్తోంది. ఆసక్తికరం ఏంటంటే 'జవాన్' తో హిట్ కొట్టిన దర్శకుడు అట్లీ (Atlee), ఈ 'తెరి' తమిళ సినిమాకి దర్శకుడు. అందుకే ఇప్పుడు ఈ హిందీ రీమేక్ సినిమాకి అతను నిర్మాతల్లో ఒకడుగా వున్నాడు, మురాద్ ఖేతని (MuradKhetani) ఇంకో నిర్మాత.

'తెరి' సినిమాలో విజయ్ (ThalapathyVijay) కథానాయకుడు కాగా, ఇద్దరు కథానాయకులు సమంత రుత్ ప్రభు (Samahta), అమీ జాక్సన్ (AmyJackson) వున్నారు. ఇప్పుడు హిందీలో ఈ సినిమా రీమేక్ అవుతోంది, ఇందులో సమంత పాత్రని కీర్తి సురేష్ చేస్తోంది. తమిళ దర్శకుడు కలీస్ (Kalees) ఈ హిందీ సినిమాకి దర్శకత్వం వహిస్తున్నాడు. ఇది ఇప్పుడు షూటింగ్ చెయ్యడం కోసం సమాయత్తం అవుతోంది. అందుకే కీర్తి సురేష్ ఈ సినిమా షూటింగ్ కోసం ముంబై వెళుతోంది.

వరుణ్ ధావన్ ఇంతకు ముందు 'సిటాడెల్' #Citadel అనే హిందీ వెబ్ సిరీస్ చేసాడు, దానికి రాజ్ & డికె (Raj&DK) దర్శకులు కాగా, అందులో సమంత కథానాయిక. ఈ వెబ్ సిరీస్ త్వరలోనే విడుదలవుతుంది అని అంటున్నారు. నయనతార, కీర్తి సురేష్ కాకుండా, సాయి పల్లవి (SaiPallavi) కూడా హిందీలో డెబ్యూ చెయ్యడానికి రెడీ అవుతోంది.