Janhvi Kapoor: కపూర్ సిస్టర్స్ నాలుగిళ్ళు అమ్మేశారు, ఎందుకంటే...
ABN , Publish Date - Dec 25 , 2023 | 02:27 PM
బోనీ కపూర్, అతని ఇద్దరు కుమార్తెలు జాన్వీ కపూర్, ఖుషి కపూర్ లు తమకి చెందిన నాలుగు అపార్ట్మెంట్స్ ని ఈమధ్యనే అమ్మేశారని బాలీవుడ్ లో వార్త వైరల్ అయింది. ఇంతకీ ఎందుకు అమ్మేశారు అంటే...
జాన్వీ కపూర్ (Janhvi Kapoor) ఆమె చెల్లెలు ఖుషీ కపూర్ (Khushi Kapoor) ముంబై లో తమకి చెందిన నాలుగిళ్ళు అమ్మేశారని ఇప్పుడు వార్త వైరల్ అవుతోంది. ఈ నాలుగిళ్ళు ఈ ఇద్దరు చెళ్లెళ్లకి తమ తల్లి స్వర్గీయ శ్రీదేవి (Sridevi) నుండి వచ్చాయని అంటున్నారు. అయితే ఇందులో తండ్రి బోనీ కపూర్ (Boney Kapoor) కి కూడా వాటా వున్నట్టుగా తెలుస్తోంది. అయితే ఈ నాలుగు అపార్ట్మెంట్స్ ఈమధ్యనే అమ్మేసినట్టుగా వార్తలు వైరల్ అయ్యాయి. ఇంతకీ ఎందుకు వీటిని ఇలా అమ్మాల్సి వచ్చింది అంటే...
ఆ నాలుగిళ్ళు చాలా సంవత్సరాల నుండీ వాడటం లేదని తెలిసింది. అవి ఖాళీగా ఉన్నాయని, అందులో కొన్ని అద్దెకు ఇచ్చారని, కొన్ని అద్దెకు ఇవ్వలేదని, అందుకనే వాటిని అమ్మేసినట్టుగా తెలిసింది. ఈ నాలుగు అపార్ట్మెంట్స్ కలిపి మొత్తం రూ.12 కోట్లకు అమ్మినట్టుగా తెలుస్తోంది. జాన్వీ కపూర్ ఇప్పుడు సినిమాలు చేస్తూ తాను కూడా సొంతగా ఆదాయం సమకూర్చుకుంటోంది, అలాగే ఈమధ్యనే చెల్లెలు ఖుషీ కపూర్ కూడా ఆరంగేట్రం చేసింది. నెట్ ఫ్లిక్స్ నిర్మాతగా 'ఆర్చీస్' #Archies అనే సినిమా ఈమధ్యనే ఓటిటి లో విడుదలయింది, ఈ సినిమాలో ఖుషీ కపూర్ నటించింది, మంచి మార్కులు కూడా పడ్డాయి ఆమెకి.
ఇలా ఈ ఇద్దరూ ఇప్పుడు వ్యక్తిగతంగా ఆదాయాన్ని సమకూర్చుకోవడం, ఆ నాలుగు అపార్ట్మెంట్స్ ఖాళీగా ఎందుకు ఉండటం అని ఇద్దరు అక్కాచెల్లెళ్లు, బోనీ కపూర్ అవి అమ్మేసి వేరే దగ్గర ఒక పెద్ద అపార్ట్మెంట్ తీసుకోవాలని భావిస్తున్నట్టుగా తెలుస్తోంది. ఈ విషయాన్ని బోనీ కపూర్ స్వయంగా చెప్పినట్టుగా కూడా చాలా మీడియాలో కథనాలు వచ్చాయి.