ఆకట్టుకుంటున్న విశాల్ 'లాఠి' ఫస్ట్ లుక్..

కోలీవుడ్ స్టార్ హీరోలలో ఒకరైన విశాల్ పక్కా కమర్షియల్ సినిమాలతో పాటు ప్రయోగాత్మక చిత్రాలను చేసున్న సంగతి తెలిసిందే. హిట్ ఫ్లాప్‌లతో సంబంధం లేకుండా బ్యాక్ టు బ్యాక్ సినిమాలతో దూసుకెళుతున్నాడు. ఈ క్రమంలొనే తాజాగా నటిస్తున్న సినిమా లాఠి. ఎ.వినోద్‌ కుమార్‌ దర్శకత్వంలో తెరకెక్కుతున్న ఈ పాన్‌ ఇండియా చిత్రాన్ని రానా ప్రొడక్షన్స్ పతాకంపై రమణ, నంద కలిసి సంయుక్తగా నిర్మిస్తున్నారు. సునయన ఇందులో హీరోయిన్‌గా నటిస్తోంది. ఇక ఈ సినిమాలో విశాల్ పోలీస్ కానిస్టేబుల్ పాత్రలో నటిస్తుండగా..చిత్రబృందం తాజాగా ఫస్ట్ లుక్ పోస్టర్‌ను వదిలింది. ఈ పోస్టర్‌కు ప్రేక్షకుల నుంచి విశేషమైన స్పందన లభిస్తోంది. కాగా, పవర్ ఫుల్ యాక్షన్ డ్రామాగా తెరకెక్కుతున్న ఈ సినిమా షూటింగ్ శరవేగంగా షూటింగ్ జరుపుకుంటుంది. పీటర్ హెయిన్, దిలీప్ సుబ్బరాయన్ ఈ సినిమాకు యాక్షన్ కొరియోగ్రఫీ అందిస్తున్నారు.