హైదరాబాద్‌లోని బైక్ షోరూంలో కోలీవుడ్ హీరో సందడి
ABN, First Publish Date - 2022-04-16T21:43:32+05:30
కోలీవుడ్‌తో పాటు టాలీవుడ్‌ ప్రేక్షకులకు సుపరిచితమైన స్టార్ హీరో అజిత్
కోలీవుడ్‌తో పాటు టాలీవుడ్‌ ప్రేక్షకులకు సుపరిచితమైన స్టార్ హీరో అజిత్. ‘ఆరంభం’, ‘ఎంతవాడు గాని’, ‘వివేకం’ వంటి సినిమాలతో ఈ మధ్య కాలంలో అభిమానులను అలరించాడు. కొన్ని రోజుల క్రితం అజిత్ హీరోగా విడుదలైన ‘వలీమై’ మాత్రం బాక్సాఫీస్ వద్ద ఆశించిన విజయం సాధించలేకపోయింది. అయినా కూడా విరామం లేకుండానే ‘తల’ మరో ప్రాజెక్టును పట్టాలెక్కించాడు. ఈ చిత్రానికి ‘ఏకే 61’ అని వర్కింగ్ టైటిల్‌ పెట్టారు.
‘ఏకే 61’ను దర్శకుడు హెచ్. వినోద్ తెరకెక్కిస్తున్నాడు. బోనీ కపూర్ నిర్మాతగా వ్యవహారిస్తున్నాడు. ప్రస్తుతం ఈ సినిమా షూటింగ్ హైదరాబాద్‌లో జరుగుతోంది. ఈ సందర్భంగా స్టార్ హీరో అజిత్ బీఎమ్‌డబ్ల్యూ షోరూంలో సందడి చేశాడు. షోరూంని సందర్శించి బీఎమ్‌డబ్ల్యూ బైక్‌ని పరీక్షించాడు. ఈ సందర్భంగా అక్కడి సిబ్బందితో కలసి ఫోటోలకి ఫోజులిచ్చాడు. అజిత్ స్వతహాగా బైక్ రేసర్ అన్న సంగతి తెలిసిందే. ఈ హీరోకి బైక్‌లంటే చాలా ఇష్టం. అందుకే, అత్యంత ఖరీదైన బైక్స్‌తో కళకళలాడే బీఎండబ్ల్యూ షోరూంని అతడు ప్రత్యేకంగా సందర్శించాడని ఫిల్మ్‌నగర్ టాక్. ఇక ‘ఏకే 61’లో యోగి బాబు, అదితి రావ్ హైదరీ, ప్రకాశ్ రాజ్, టబు కీలక పాత్రలు పోషిస్తున్నారు.