ఓటీటీలోకి వచ్చేస్తున్న మార్వెల్స్ Doctor Strange in the Multiverse of Madness
ABN, First Publish Date - 2022-06-04T01:11:26+05:30
మార్వెల్ స్టూడియోస్ (Marvel Studios) నుంచి వచ్చే సినిమాలకు ప్రపంచవ్యాప్తంగా అభిమానులుంటారు. ఆ స్టూడియో నుంచి వచ్చిన ‘అవెంజర్స్ ఎండ్ గేమ్’ ఇండియన్ బాక్సాఫీస్ వద్ద సంచలనం సృష్టించింది. కొన్ని రోజు
మార్వెల్ స్టూడియోస్ (Marvel Studios) నుంచి వచ్చే సినిమాలకు ప్రపంచవ్యాప్తంగా అభిమానులుంటారు. ఆ స్టూడియో నుంచి వచ్చిన ‘అవెంజర్స్ ఎండ్ గేమ్’ ఇండియన్ బాక్సాఫీస్ వద్ద సంచలనం సృష్టించింది. కొన్ని రోజుల క్రితమే మార్వెల్స్ నుంచి వచ్చిన చిత్రం ‘డాక్టర్ స్ట్రేంజ్ ఇన్ ద మల్టీవెర్స్ ఆఫ్ మాడ్‌నెస్’( Doctor Strange in the Multiverse of Madness). 2016లో విడుదలైన ‘డాక్టర్ స్ట్రేంజ్’కు సీక్వెల్‌గా ఈ చిత్రం తెరకెక్కింది. అమెరికన్ సూపర్ హీరోను ఆధారంగా చేసుకుని ఈ సినిమాను రూపొందించారు. బెన్‌డిక్ట్ కంబర్ బ్యాచ్ (Benedict Cumberbatch) హీరోగా నటించాడు. ‘స్పైడర్ మ్యాన్’ చిత్రాల దర్శకుడు సామ్ రైమీ తెరకెక్కించాడు. ఈ మూవీ మే 6న విడుదల అయింది. ఈ సినిమాను థియేటర్స్‌లో మిస్ అయిన వారంతా ఓటీటీలో ఎప్పుడు వస్తుందా అని ఎదురు చూస్తున్నారు. ప్రేక్షకుల ఎదురు చూపులకు తెర దించుతూ డిజిటల్ ప్లాట్‌ఫాం స్ట్రీమింగ్ తేదీని ప్రకటిస్తూ ఓ పోస్టర్‌ను విడుదల చేసింది.
‘డాక్టర్ స్ట్రేంజ్ ఇన్ ద మల్టీవెర్స్ ఆఫ్ మాడ్‌నెస్’ ఓటీటీ ప్లాట్‌ఫాం డిస్నీ+హాట్ స్టార్‌ లో జూన్ 22నుంచి స్ట్రీమింగ్ కానుంది. ఇంగ్లీష్‌తో పాటు హిందీ, తెలుగు, తమిళం, మలయాళం, కన్నడ భాషల్లో ఈ చిత్రం ప్రేక్షకులకు అందుబాటులో ఉంటుందని డిజిటల్ ప్లాట్‌ఫాం తెలిపింది. ‘డాక్టర్ స్ట్రేంజ్’ భారత్‌లో రూ. 100కోట్లకు పైగా కలెక్షన్లను కొల్లగొట్టింది.