'బీస్ట్': సెకండ్ సింగిల్ వచ్చేస్తోంది..
ABN , First Publish Date - 2022-03-17T15:13:12+05:30 IST
కోలీవుడ్ స్టార్ హీరో 'తలపతి విజయ్, మోస్ట్ వాంటెడ్ బ్యూటీ పూజాహెగ్డే జంటగా నటించిన లేటెస్ట్ మూవీ 'బీస్ట్'. నెల్సన్ దిలీప్ కుమార్ దర్శకత్వంలో తెరకెక్కుతున్న కామెడీ యాక్షన్ థ్రిల్లర్ సినిమా ఇది.
కోలీవుడ్ స్టార్ హీరో 'తలపతి విజయ్, మోస్ట్ వాంటెడ్ బ్యూటీ పూజాహెగ్డే జంటగా నటించిన లేటెస్ట్ మూవీ 'బీస్ట్'. నెల్సన్ దిలీప్ కుమార్ దర్శకత్వంలో తెరకెక్కుతున్న కామెడీ యాక్షన్ థ్రిల్లర్ సినిమా ఇది. ఇటీవలే ఈ మూవీ నుంచి వచ్చిన ఫస్ట్ సింగిల్ 'అరబిక్ కుత్తు' పాట యూట్యూబ్లో ట్రెండ్ అవుతూ రికార్డ్ స్థాయిలో వ్యూస్ రాబడుతోంది. ఈ క్రమంలోనే ఇప్పుడు సెకండ్ సింగిల్ రాబోతోంది. ఈ విషయాన్ని మేకర్స్ సోషల్ మీడియా ద్వారా ప్రకటించారు.
ప్రముఖ నిర్మాణ సంస్థ సన్ పిక్చర్స్ పతాకంపై కళానిధి మారన్ నిర్మిస్తున్న ఈ చిత్రాన్ని ఏప్రిల్ 14న రిలీజ్ చేసేందుకు ప్లాన్ చేస్తున్నారు. ఈ నేపథ్యంలో ప్రమోషన్స్ షురూ చేసిన మేకర్స్ సెకండ్ సింగిల్ 'జాలీ ఓ జింఖానా'.. అంటూ సాగే ఫుల్ సాంగ్ను మార్చి 19న విడుదల చేయబోతున్నట్టు తాజాగా వెల్లడించారు. అయితే, ఈ పాటను హీరో విజయ్ పాడడం విశేషం. కాగా, ప్రస్తుతం ఈ సాంగ్ ప్రోమో నెట్టింట వైరల్ అవుతోంది. ఇక ఈ చిత్రానికి అనిరుధ్ రవిచంద్రన్ సంగీతం అందిస్తున్నాడు.