'లీడర్' సీక్వెల్‌కు శేఖర్ కమ్ముల హీరోను మార్చేశాడా..?
ABN, First Publish Date - 2022-04-27T19:13:30+05:30
'లీడర్' సీక్వెల్‌కు శేఖర్ కమ్ముల హీరోను మార్చేశాడా..? అంటే ప్రస్తుతం సోషల్ మీడియాలో వచ్చే వార్తలను బట్టి అర్థమవుతోంది. ఇటీవలే నాగ చైతన్య - సాయి పల్లవిలతో 'లవ్ స్టోరి' చిత్రాన్ని తీసి క్లాస్ హిట్ అందుకున్న కమ్ముల
'లీడర్' సీక్వెల్‌కు శేఖర్ కమ్ముల హీరోను మార్చేశాడా..? అంటే ప్రస్తుతం సోషల్ మీడియాలో వచ్చే వార్తలను బట్టి అర్థమవుతోంది. ఇటీవలే నాగ చైతన్య - సాయి పల్లవిలతో 'లవ్ స్టోరి' చిత్రాన్ని తీసి క్లాస్ హిట్ అందుకున్న కమ్ముల తర్వాత కోలీవుడ్ హీరో ధనుష్‌తో ఓ పాన్ ఇండియన్ చిత్రాన్ని ప్రకటించాడు. అలాగే, రానాతో 'లీడర్' సినిమాకు సీక్వెల్ చిత్రాన్ని తీయనున్నట్టు ..తెలిపారు. త్వరలో రానాకు 'లీడర్' సీక్వెల్ స్టోరీని నరేట్ చేయబోతున్నట్టు ఆ మధ్య వార్తలు వచ్చాయి. అయితే, ఇప్పుడు ఈ సినిమాను తమిళ హీరో సూర్యతో చేయబోతున్నట్టు టాక్ వినిపిస్తోంది. మరి ఇందులో ఎంతవరకూ నిజముందో తెలియదు గానీ, సోషల్ మీడియాలో మాత్రం ఈ న్యూస్ వైరల్ అవుతోంది. దీనిపై దర్శకుడు శేఖర్ కమ్ముల ఎప్పుడు క్లారిటీ ఇస్తారో చూడాలి.