ఇన్నాళ్లుగా చూస్తున్నది నిన్నేనా?!
ABN, First Publish Date - 2022-05-08T05:52:03+05:30
రవితేజ కథానాయకుడిగా నటిస్తున్న చిత్రం ‘రామారావు ఆన్‌ డ్యూటీ’. రజిషా విజయన్‌, దివ్యాంశ కౌశిక్‌ కథానాయికలు....
రవితేజ కథానాయకుడిగా నటిస్తున్న చిత్రం ‘రామారావు ఆన్‌ డ్యూటీ’. రజిషా విజయన్‌, దివ్యాంశ కౌశిక్‌ కథానాయికలు. ప్రశాంత్‌ మాండవ దర్శకుడు. సుధాకర్‌ చెరుకూరి నిర్మాత. ఈ చిత్రంలోని ‘నేనేనా నేనేనా.. నిన్నా మొన్న ఉన్నది మరి నేనేనా, నువ్వేనా నువ్వేనా నిన్నా మొన్న చూస్తున్నది నిన్నేనా’ అనే గీతాన్ని శనివారం విడుదల చేశారు. రవితేజ, దివ్యాంశలపై తెరకెక్కించిన ఈ గీతాన్ని కల్యాణ్‌ చక్రవర్తి రాశారు. హరిప్రియ, నకుల్‌ అభ్యంకర్‌ ఆలపించారు. సామ్‌ సి.ఎస్‌. సంగీతాన్ని అందించారు. యథార్థ సంఘటనల ఆధారంగా రూపొందించిన చిత్రమిది. యాక్షన్‌ ఘట్టాలకు పెద్ద పీట వేశామని చిత్ర బృందం చెబుతోంది. వేణు తొట్టెంపూడి ఓ కీలక పాత్ర పోషించారు. జూన్‌ 17న ఈ చిత్రాన్ని విడుదల చేస్తున్నారు.