Vikrant Rona తెలుగు థియేట్రికల్ రైట్స్ వారికే..

కన్నడ స్టార్ హీరో కిచ్చా సుదీప్ (Kiccha Sudeep) నటించిన లేటెస్ట్ పాన్ ఇండియన్ సినిమా విక్రాంత్ రోణ (Vikrant Rona). ఈ మూవీ తెలుగు థియేటర్స్ రైట్స్ వరంగల్ శ్రీను (Warangal Sreenu) దక్కించుకున్నారు.

కన్నడ స్టార్ హీరో కిచ్చా సుదీప్ (Kiccha Sudeep) నటించిన లేటెస్ట్ పాన్ ఇండియన్ సినిమా విక్రాంత్ రోణ (Vikrant Rona). ఈ మూవీ తెలుగు థియేటర్స్ రైట్స్ వరంగల్ శ్రీను (Warangal Sreenu) దక్కించుకున్నారు. ఈ సినిమా రిలీజ్ డేట్ దగ్గరపడుతుండటంతో ప్రస్తుతం చిత్రబృందం జోరుగా ప్రమోషన్స్‌ నిర్వహిస్తు బిజీగా ఉంది. ఈ సినిమాకు అనూప్ భండారి (Anup Bhandari) దర్శకత్వం వహించారు. జూలై 28, 2022 న థియేటర్లలో భారీ విడుదలకు సిద్ధంగా ఉంది. రీసెంట్‌గా విడుదలైన ఈ సినిమా ట్రైలర్‌కి ప్రేక్షకుల నుంచి, అభిమానుల నుండి విశేష స్పందన వస్తోంది. 

సందీప్‌ కిషన్‌ (Sandeep Kishan)తో పాటు నీతా అశోక్‌, జాక్వెలిన్‌ ఫెర్నాండేజ్‌ (Jacqueline Fernandez), నిరూప్‌ బండారి కీలక పాత్రలు పోషించారు. ఈ సినిమాను జీ స్టూడియోస్‌, కిచ్చా క్రియేషన్స్‌ సమర్పణలో షాలిని ఆర్ట్స్‌ పతాకంపై నిర్మాతలు షాలిని, జాక్‌ మంజునాథ్‌ భారీ బడ్జెట్‌తో నిర్మించారు. ఈ చిత్రం జూలై 28వ తేదీన విడుదల చేయనున్నారు. ఈ మూవీని త్రీడి ఫార్మెట్‌లో రూపొందించారు. ‘ఒక ఊరిలో ప్రజలు ఓ భయంకరమైన నిజం దాచాలనుకుంటారు. ఇంతకీ ఆ ఊరి కథ ఏంటి? ప్రజలు దాచాలనుకున్న ఆ నిజం ఏంటి? ఆ ఊరికి ఓ డెవిల్‌ వచ్చింది. ఆ డెవిల్‌ ఎవరు? భయం నిండిన ఆ ఊరికి భయమంటే ఎంటో తెలియని ఒకరు వచ్చారు. ఆయన ఎవరు? అనేదే ఈ చిత్ర కథ.  

ఈ పాత్రలోనే హీరో కిచ్చా సుదీప్ నటించినట్టు తెలుస్తోంది. కాగా, ఈ ఫాంటసీ అడ్వెంచర్ చిత్రం తెలుగు వెర్షన్ థియేట్రికల్ రైట్స్‌ని వరంగల్ శ్రీను దక్కించుకున్నారు. తన కార్తికేయ గ్రూప్ ద్వారా రెండు తెలుగు రాష్ట్రాల్లోనూ ఈ సినిమాను వరంగల్ శ్రీను విడుదల చేయనున్నారు. ఆయన ఇప్పటికే నైజాం ఏరియాలో ఇస్మార్ట్ శంకర్, సుల్తాన్, క్రాక్, సీటీమార్, ఆచార్య వంటి భారీ చిత్రాలను పంపిణీ చేశారు. ఈ క్రమంలోనే ఇప్పుడు పాన్ ఇండియా చిత్రం విక్రాంత్ రోణాను పంపిణీ చేయబోతున్నారు.