యంగ్ డైరెక్టర్ కూడా నిర్మాతగా బిజీ బిజీ
ABN, First Publish Date - 2022-01-11T14:49:48+05:30
యంగ్ డైరెక్టర్ వెంకట్ మాహా నిర్మాతగా కూడా బిజీ బిజీగా ఉన్నారు. 'కేరాఫ్ కంచరపాలెం' సినిమాతో దర్శకుడిగా మారిన వెంకట్ మహా..మొదటి సినిమాతోనే విమర్శకుల ప్రశంసలు అందుకున్నారు. ఆ తర్వాత సత్య దేవ్ హీరోగా రూపొందించిన
యంగ్ డైరెక్టర్ వెంకట్ మాహా నిర్మాతగా కూడా బిజీ బిజీగా ఉన్నారు. 'కేరాఫ్ కంచరపాలెం' సినిమాతో దర్శకుడిగా మారిన వెంకట్ మహా..మొదటి సినిమాతోనే విమర్శకుల ప్రశంసలు అందుకున్నారు. ఆ తర్వాత సత్య దేవ్ హీరోగా రూపొందించిన 'ఉమామహేశ్వర ఉగ్రరూపస్య' చిత్రం కూడా ఓటీటీలో విడుదలై హిట్ సాధించి విమర్శకుల ప్రశంసలు అందుకుంది. ఇలా దర్శకుడిగా సినిమాలు చేస్తూనే నిర్మాతగానూ మారారు వెంకట్ మహా. ఇప్పటికే గీతాఆర్ట్స్ 2 పిక్చర్స్ - స్వేచ్ఛ క్రియేషన్స్ సంస్థలతో కలిసి కమెడియన్ సుహాస్ హీరోగా తెరకెక్కుతున్న 'అంబాజీ పేట మ్యారేజ్ బ్యాండు' అనే మూవీని నిర్మిస్తున్నారు. ఈ సినిమాతో దుశ్యంత్ కటికనేని దర్శకుడిగా పరిచయమవుతున్నాడు. అలాగే, తన దర్శకత్వంలో యాంగ్రీ హీరో రాజశేఖర్ నటిస్తున్న 'మర్మాణువు' చిత్ర నిర్మాణంలోనూ వెంకట్ మహా భాగస్వామిగా ఉన్నారని టాక్ వినిపిస్తోంది. మొత్తానికి దర్శకుడిగా సక్సెస్ అయిన ఈ యంగ్ డైరెక్టర్ నిర్మాతగా ఏమేరకు సక్సెస్ అవుతారో చూడాలి.