Sitaramam : ఫస్ట్ సింగిల్ ప్రోమో వచ్చేసింది !

వైజయంతీ మూవీస్ (Vyjayanthi Movies) సమర్పణలో.. దుల్కర్ సల్మాన్ (Dulquer Salmaan), మృణాళ్ ఠాకూర్ (Mrunal Thakur) హీరోహీరోయిన్లుగా హను రాఘవపూడి (Hanu Raghavapudi) దర్శకత్వంలో స్వప్న సినిమా (Swapna Cinema) ప్రొడక్షన్ నెం7గా తెరకెక్కుతున్న చిత్రం ‘సీతా రామం’.

వైజయంతీ మూవీస్ (Vyjayanthi Movies) సమర్పణలో.. దుల్కర్ సల్మాన్ (Dulquer Salmaan), మృణాళ్ ఠాకూర్ (Mrunal Thakur) హీరోహీరోయిన్లుగా హను రాఘవపూడి (Hanu Raghavapudi) దర్శకత్వంలో స్వప్న సినిమా (Swapna Cinema) ప్రొడక్షన్ నెం7గా తెరకెక్కుతున్న చిత్రం ‘సీతా రామం’. ‘‘ ‘యుద్ధంతో’ రాసిన ప్రేమకథ’’ అనేది ట్యాగ్‪లైన్. యుద్ధం నేపధ్యంలో.. అందమైన ప్రేమకథా చిత్రంగా రూపొందుతోన్న ఈ చిత్రాన్ని అశ్వినీదత్ (Ashwini Dutt), ప్రియాంక దత్ (Priyanka Dutt) నిర్మిస్తున్నారు. సుమంత్ (Sumanth), రష్మిక మందన్న (Rashmika Mandanna) కీలక పాత్రలలో నటిస్తున్నారు. ఈ చిత్రం నుండి ఫస్ట్ సింగిల్ ‘ఓ సీత హే రామ’ ‪ని మే 9న విడుదల చేయబోతున్నట్లుగా మేకర్స్ అధికారికంగా ప్రకటించారు. తాజాగా ఆ పాటకి సంబంధించిన ప్రోమోను విడుదల చేశారు మేకర్స్. 

ఓ సీతా హేరామా.. (oh sita hey rama) అంటూ సాగే పాటను .. అనంత శ్రీరామ్ (Anantha sriram) రచించగా.. యస్పీ చరణ్, రమ్య బెహరా ఆలపించారు. విశాల్ చంద్రశేఖర్ (Vishal chandrasekhar) అందించిన అద్భుతమైన మెలోడియస్ ట్యూన్ లో అందంగా అమరింది ఈ పాట. ప్రస్తుతం ఈ సాంగ్ ప్రోమో సోషల్ మీడియాలో వైరల్ అవుతోంది. 9న విడుదలయ్యే ఫుల్ సాంగ్ కోసం ఆత్రుతగా ఎదురు చూస్తున్నారు. షూటింగ్ చివరి దశలో వున్న ఈ చిత్రం తెలుగుతో పాటు తమిళం, మలయాళ భాషల్లో ఏకకాలంలో రూపొందుతోంది. ఇటీవల విడుదల చేసిన టైటిల్ గ్లింప్స్ ప్రేక్షకుల నుండి మంచి స్పందనను రాబట్టుకున్న విషయం తెలిసిందే. టైటిల్, గ్లింప్స్ తోనే భారీ అంచనాలను సొంతం చేసుకున్న ఈ చిత్రం.. మ్యూజికల్ గానూ పెద్ద హిట్ అవుతుందని మేకర్స్ తెలుపుతున్నారు. మరి ఫస్ట్ సింగిల్ పూర్తి పాట ఏ స్థాయిలో జనాదరణ పొందుతుందో చూడాలి.