'సైదులు' ట్రైలర్ లాంచింగ్ ఈవెంట్ ఎప్పుడంటే..

బాబా పి.ఆర్ ద‌ర్శ‌కుడిగా ప‌రిచ‌యం అవుతూ తెరకెక్కిస్తున్న తాజా చిత్రం 'సైదులు'. ఇందులో రంజిత్ నారాయణ్ కురుప్, ముస్కాన్ అరోరా హీరో హీరోయిన్లుగా నటించారు. కె.ఎమ్ ప్రొడక్షన్స్ ప‌తాకంపై రూపొందుతున్న ఈ మూవీ షూటింగ్ పూర్తి చేసుకుంది. ఈ నేపథ్యంలో చిత్ర ట్రైలర్‌ను ఏప్రిల్ 17న విడుదల చేయనున్నారు. ఘనంగా జరిగే ఈ ఈవెంట్‌లో పలువురు సినీ ప్రముఖులు పాల్గొనబోతున్నారు. 

హ‌క్కుల కోసం, స్వేచ్ఛ కోసం ఒక ఊరి జ‌నం చేసిన తిరుగుబాటు నేప‌థ్యంలో ఈ చిత్ర క‌థ ఉండబోతుంది. కరీంనగర్ పరిసర ప్రాంతాల్లో ఈ చిత్రానికి సంబంధించిన చిత్రీకరణ మొత్తం జరిగింది. 1980 లో తెలంగాణ నేపధ్యంలో జరిగిన కథ ఇది. ఓ కీలక పాత్రలో సీనియర్ నటుడు బెనర్జీ నటించారు.