సాయిధరమ్‌తో సంయుక్త

‘భీమ్లా నాయక్‌’ చిత్రంలో మెరిశారు సంయుక్త మీనన్‌. చిన్న పాత్రే అయినా, ఆమె నటన గుర్తుండిపోతుంది....

‘భీమ్లా నాయక్‌’ చిత్రంలో మెరిశారు సంయుక్త మీనన్‌. చిన్న పాత్రే అయినా, ఆమె నటన గుర్తుండిపోతుంది. ఇప్పుడు తెలుగులో ఆమెకు మంచి ఆవకాశాలే వస్తున్నాయి. తాజాగా సాయిధరమ్‌ తేజ్‌ సరసన నటించే ఆఫర్‌ వచ్చిందని టాక్‌. తమిళంలో ఘన విజయం సాధించిన చిత్రం ‘వినోదాయ శీతం’. తెలుగులో రీమేక్‌ చేస్తున్న సంగతి తెలిసిందే. పవన్‌ కల్యాణ్‌ కథానాయకుడు. సాయిధరమ్‌ ఓ కీలక పాత్రలో కనిపించనున్నారు. ఇందులో సాయిధరమ్‌కి జోడీగా సంయుక్త మీనన్‌ని ఎంచుకొన్నారని తెలుస్తోంది. సముద్రఖని దర్శకత్వం వహిస్తారు. జులైలో చిత్రీకరణ మొదలయ్యే అవకాశాలు ఉన్నాయి. ఈ చిత్రానికి బుర్రా సాయిమాధవ్‌ సంభాషణలు అందిస్తున్నారు. ఇప్పటికే స్ర్కిప్టు వర్క్‌ పూర్తయినట్టు సమాచారం. త్వరలోనే ఇతర నటీనటులు, సాంకేతిక నిపుణుల వివరాలు తెలుస్తాయి.