దాసరిని స్మరించుకొంటూ..

దిగ్గజ దర్శకుడు దాసరి నారాయణరావు జయంతి సందర్భంగా ‘దాసరి స్మారక పురస్కారాలు’ కార్యక్రమం ఇటీవల హైదరాబాద్‌లో అట్టహాసంగా సాగింది. వివిధ రంగాలలో విశిష్టమైన సేవలు అందించిన ప్రముఖులకు భారత్‌ అకాడమీ, వాసవి ఫిల్మ్‌ అవార్డ్స్‌ సంస్థలు సంయుక్తంగా ఈ పురస్కారాల్ని ప్రదానం చేశారు. నటి దివ్యవాణి, తెలంగాణ రాష్ట్ర పర్యాటక శాఖ ఛైర్మన్‌ ఉప్పల శ్రీనివాస్‌ గుప్తా ఈ కార్యక్రమంలో పాల్గొన్నారు. యండమూరి వీరేంద్రనాథ్‌, రోజా రమణి, చక్రపాణి, సుమన్‌, సాగర్‌, రాజా వన్నెంరెడ్డి, విష్ణు బొప్పన, ధీరజ అప్పాజీ తదితరులు ఈ అవార్డులు అందుకొన్నారు.