Nenu Meeku Baga Kavalsina Vadini: ఆకట్టుకుంటున్న 'నచ్చావబ్బాయ్' లిరికల్ సాంగ్..

యంగ్ హీరో కిరణ్ అబ్బవరం (Kiran Abbavaram), సంజన ఆనంద్ (Sanjana Anand) జంటగా నటిస్తున్న లేటెస్ట్ మూవీ 'నేను మీకు బాగా కావాల్సిన వాడిని' (Nenu Meeku Baga Kavalsina Vadini).

యంగ్ హీరో కిరణ్ అబ్బవరం (Kiran Abbavaram), సంజన ఆనంద్ (Sanjana Anand) జంటగా నటిస్తున్న లేటెస్ట్ మూవీ 'నేను మీకు బాగా కావాల్సిన వాడిని' (Nenu Meeku Baga Kavalsina Vadini). తాజాగా ఈ సినిమా నుంచి లిరికల్ వీడియో సాంగ్ రిలీజైంది. కోడి రామకృష్ణ సమర్పణలో కోడి దివ్య ఎంటర్ టైన్ మెంట్స్ పతాకంపై నిర్మిస్తున్న సినిమా ఇది. ఈ మూవీతో శ్రీధర్ గాదే దర్శకుడుగా పరిచయమవుతున్నాడు. ఇప్పటికే ఈ సినిమా నుంచి వచ్చిన టీజర్ ప్రేక్షకులను బాగా ఆకట్టుకుంది. ఇప్పుడు పాటలు విడుదలై ఆకట్టుకుంటున్నాయి.

ఈ క్రమంలోనే తాజాగా విడుదలైన 'నచ్చావబ్బాయ్'.. సాంగ్ యూత్ ఆడియన్స్‌ని అలరిస్తోంది. "నచ్చావబ్బాయ్ పిచ్చి పిచ్చిగా...! పోన్లే అమ్మాయ్ ఇన్నాళ్లకి మంచి మంచి మాటే చెప్పావమ్మాయ్" అంటూ సాగే ఈ సాంగ్ కిరణ్ అబ్బవరం, సంజన ఆనంద్ అదిరే మాస్ స్టెప్పులతో ఆకట్టుకున్నారు. మెలోడి బ్రహ్మ మణిశర్మ సంగీతం అందించగా, భాస్కర్ భట్ల సాహిత్యం అందించారు. ఇక ఈ సినిమాలో సిధ్ధార్ద్ మీనన్, ఎస్వి కృష్ణారెడ్డి, బాబా బాస్కర్, సమీర్, సంగీత, నిహరిక, ప్రమోదిని ఇతర ముఖ్య పాత్రల్లో కనిపించబోతున్నారు.

మొదటిసారి కోడి దివ్య నిర్మాతగా రూపొందిస్తున్న ఈ సినిమాపై మంచి అంచనాలే ఏర్పడ్డాయి. మరి ఈ సినిమా ఎలాంటి సక్సెస్ అందుకుంటుందో చూడాలి. ఇక కిరణ్ అబ్బవరం రాజావారు రాణిగారు, ఎస్ ఆర్ కళ్యాణమండపం లాంటి చిత్రాలతో తెలుగు ప్రేక్షకులకు చేరువయ్యాడు. ఈ మూవీతో మరో రేంజ్‌కి వెళతాననే నమ్మకంతో ఉన్నాడు.