Thank You: తాడో పేడో.. తేల్చేయ్ మంటోన్న చైతూ!
ABN, First Publish Date - 2022-06-11T01:12:50+05:30
యువసామ్రాట్ అక్కినేని నాగచైతన్య (Naga Chaitanya), ‘మనం’ ఫేమ్ విక్రమ్ కె కుమార్ (Vikram K Kumar) కాంబినేషన్‌లో రూపొందుతోన్న చిత్రం ‘థ్యాంక్యూ’ (Thank You). సక్సెస్‌ఫుల్ చిత్రాలకు కేరాఫ్ అడ్రస్‌గా మారిన నిర్మాతలు దిల్‌రాజు (Dil Raju), శిరీష్‌ (Shrish).. శ్రీ వెంకటేశ్వర క్రియేషన్స్..
యువసామ్రాట్ అక్కినేని నాగచైతన్య (Naga Chaitanya), ‘మనం’ ఫేమ్ విక్రమ్ కె కుమార్ (Vikram K Kumar) కాంబినేషన్‌లో రూపొందుతోన్న చిత్రం ‘థ్యాంక్యూ’ (Thank You). సక్సెస్‌ఫుల్ చిత్రాలకు కేరాఫ్ అడ్రస్‌గా మారిన నిర్మాతలు దిల్‌రాజు (Dil Raju), శిరీష్‌ (Shrish).. శ్రీ వెంకటేశ్వర క్రియేషన్స్ (SVC) పతాకంపై ఈ చిత్రాన్ని నిర్మిస్తున్నారు. రాశిఖన్నా (Raashi Khanna), మాళవిక నాయర్ (Malavika Nair) హీరోయిన్లుగా నటిస్తున్నారు. ఇటీవల ఈ చిత్రం నుంచి విడుదలైన ఫస్ట్‌లుక్‌, టీజర్‌ మంచి స్పందనను రాబట్టుకున్న విషయం తెలిసిందే. టీజర్‌తో అందరిలోనూ ఆసక్తిని కలిగించిన ఈ చిత్రం నుంచి తాజాగా ‘మారో మారో’ (Maaro Maaro) అనే యూత్‌ఫుల్ కాలేజ్ సాంగ్ లిరికల్ వీడియోను చిత్రబృందం విడుదల చేసింది. ప్రస్తుతం ఈ పాట యూట్యూబ్‌లో టాప్‌లో ట్రెండ్ అవుతోంది.
‘‘సై అంటే సైరా.. సంసిద్ధం లేరా..
సంకల్పం సంధిస్తా లే.. పంతం సాధించేలా..
పోరాటం క్రీడ.. నీ మతమైతే రా..
క్రీడైనా పోరాటంలా.. మార్చి వురికిస్తారా..
ఈ అసురుల గణముకే.. ఆ అధిపతి ఎవడనే
ఈ తలపడు క్షణమునే.. దుర్యధనో.. దుశ్శాసనో.. తేల్చే రగడలో..
మారో మారో.. యుద్ధం మొదలు
తాడో పేడో.. తేల్చేయ్ ఇపుడు...’’ అంటూ సాగిన ఈ పాటకు సంగీతం సంచలనం ఎస్. థమన్ (S Thaman) స్వరాలను సమకూర్చగా.. విశ్వ (Viswa) అండ్ కిట్టు విస్సాప్రగడ (Kittu Vissapragada) చక్కటి సాహిత్యాన్ని అందించారు. దీపు (Deepu) మరియు ప్రదీప్ చంద్ర (Prudhvi Chandra) ఈ పాటను ఆలపించారు. కాగా, బీవీఎస్ రవి (BVS Ravi) కథను సమకూర్చిన ఈ చిత్రాన్ని జూలై 8న ప్రపంచవ్యాప్తంగా విడుదల చేసేందుకు మేకర్స్ సన్నాహాలు చేస్తున్నారు.