Nenevaru: టీజరే కాదు.. ట్రైలర్‌కూ అదే స్పందన
ABN, First Publish Date - 2022-11-25T19:45:15+05:30
దివంగత ఎడిటర్ కోలా భాస్కర్ (Kola Bhaskar) తనయుడు కోలా బాలకృష్ణ (Kola BalaKrishna) హీరోగా, సాక్షి చౌదరి (Sakshi Chowdary) హీరోయిన్‌గా.. కౌశల్ క్రియేషన్స్ పతాకంపై
దివంగత ఎడిటర్ కోలా భాస్కర్ (Kola Bhaskar) తనయుడు కోలా బాలకృష్ణ (Kola BalaKrishna) హీరోగా, సాక్షి చౌదరి (Sakshi Chowdary) హీరోయిన్‌గా.. కౌశల్ క్రియేషన్స్ పతాకంపై భీమినేని శివప్రసాద్-తన్నీరు రాంబాబు సంయుక్తంగా నిర్మిస్తున్న చిత్రం ‘నేనెవరు’ (Nenevaru). నిర్ణయ్ పల్నాటి (Nirnay Palnati) దర్శకత్వంలో లవ్ అండ్ సస్పెన్స్ థ్రిల్లర్‌గా రూపొందిన ఈ చిత్రానికి పూనమ్ చంద్, కుమావత్, కిరణ్ కుమార్ మోటూరి సహ నిర్మాతలు. తనిష్క్ రాజన్, గీత్ షా, బాహుబలి ప్రభాకర్ ఇతర ముఖ్య పాత్రలలో నటించారు. రాధ గోపి తనయుడు ఆర్.జి.సారథి (RG Sarathee) ఈ చిత్రం ద్వారా సంగీత దర్శకుడిగా పరిచయం అవుతున్నారు. అన్ని కార్యక్రమాలు పూర్తి చేసుకున్న ఈ చిత్రాన్ని డిసెంబర్ 2న ప్రేక్షకుల ముందుకు తీసుకువచ్చేందుకు మేకర్స్ సన్నాహాలు చేస్తున్నారు. తాజాగా ఈ చిత్ర ట్రైలర్‌ని మేకర్స్ విడుదల చేశారు.
చిత్రానికి సంబంధించి ఇటీవల విడుదలైన టీజర్‌.. మంచి స్పందనను రాబట్టుకోగా.. తాజాగా విడుదలైన ఈ ట్రైలర్‌ కూడా విడుదలైన కొన్ని నిమిషాలలోనే టాప్‌లో ట్రెండ్ అవుతోంది. ట్రైలర్‌కు వస్తున్న స్పందనకు చిత్రయూనిట్ సంతోషాన్ని వ్యక్తం చేశారు. లవ్ - సస్పెన్స్ అండ్ క్రైమ్ థ్రిల్లర్‌గా రూపొందిన ఈ చిత్రం కచ్చితంగా ప్రేక్షకులకు సరికొత్త అనుభూతిని పంచుతుందని దర్శకుడు నిర్ణయ్ పల్నాటి తెలపగా.. హీరో కోలా బాలకృష్ణ, దర్శకుడు నిర్ణయ్, సంగీత దర్శకుడు ఆర్.జి.సారథిలకు చాలా మంచి పేరు తెస్తుందని నిర్మాతలు భీమినేని శివప్రసాద్ - తన్నీరు రాంబాబు పేర్కొన్నారు. ఎడిటర్‌గా కోలా భాస్కర్ చివరి చిత్రం ఇదే కావడం విశేషం. (Nenevaru Movie Trailer Out)