Kamal Haasan ‘విక్రమ్’ మూవీ నిడివి ఎంతో తెలుసా?

ABN , First Publish Date - 2022-05-23T23:53:22+05:30 IST

యూనివర్సల్ హీరో (Universal Hero) కమల్ హాసన్ (Kamal Haasan), సక్సెస్ ఫుల్ దర్శకుడు లోకేష్ కనగరాజ్(Lokesh Kanagaraj) కాంబినేషన్‪లో తెరకెక్కుతోన్న యాక్షన్ థ్రిల్లర్ చిత్రం ‘విక్రమ్’ (Vikram). కమల్ హాసన్ హీరోగా నటించడమే కాకుండా

Kamal Haasan ‘విక్రమ్’ మూవీ నిడివి ఎంతో తెలుసా?

యూనివర్సల్ హీరో (Universal Hero) కమల్ హాసన్ (Kamal Haasan), సక్సెస్ ఫుల్ దర్శకుడు లోకేష్ కనగరాజ్(Lokesh Kanagaraj) కాంబినేషన్‪లో తెరకెక్కుతోన్న యాక్షన్ థ్రిల్లర్ చిత్రం ‘విక్రమ్’ (Vikram). కమల్ హాసన్ హీరోగా నటించడమే కాకుండా, తన రాజ్ కమల్ ఫిల్మ్స్ ఇంటర్నేషనల్ (Raaj Kamal Films International) బ్యానర్‌పై ఆర్ మహేంద్రన్‌ (R Mahendran)తో కలిసి ఈ చిత్రాన్ని గ్రాండ్‪గా నిర్మిస్తున్నారు. జూన్ 3న ప్రపంచవ్యాప్తంగా భారీగా విడుదలకు సిద్ధమవుతున్న ఈ చిత్రానికి సంబంధించి చిత్రయూనిట్ ప్రమోషన్ కార్యక్రమాలను వేగవంతం చేసింది. ఇటీవల ‘పతళ పతళ’ అనే సాంగ్‪తో పాటు, చిత్ర థియేట్రికల్ ట్రైలర్‪ను కూడా విడుదల చేసి.. మేకర్స్ సినిమాపై భారీగా అంచనాలను క్రియేట్ చేశారు. తాజాగా ఈ చిత్రానికి సంబంధించిన రన్ టైమ్ (Run Time)ను మేకర్స్ లాక్ చేశారు. 173 నిమిషాలు అంటే.. 2 గంటల 53 నిమిషాల నిడివితో ఈ చిత్రం థియేటర్లలో విడుదల కానుంది. దర్శకుడు లోకేష్ కనగరాజ్- విజయ్ (Vijay) కాంబినేషన్ లో వచ్చిన ‘మాస్టర్’ (Master) చిత్రం కూడా దాదాపు ఇంతే నిడివితో విడుదలైన విషయం తెలిసిందే. ఇప్పుడీ చిత్రం కూడా అంతే నిడివితో థియేటర్లలో సందడి చేసేందుకు రెడీ అవుతుంది. 


భారీ మల్టీస్టారర్ చిత్రంగా రూపొందుతోన్న ఈ చిత్రంలో మక్కల్ సెల్వన్ విజయ్ సేతుపతి (Vijay Sethupathi) విలన్‌గా నటిస్తుండగా, ఫహద్ ఫాసిల్ (Fahadh Faasil) మరో పవర్ ఫుల్ పాత్రలో కనిపించనున్నారు. మరో స్టార్ హీరో సూర్య (Suriya) ఈ చిత్రంలో ఓ కీలక పాత్రలో కనిపించనున్నారు. తెలుగు రాష్ట్రాల్లో ఈ చిత్ర విడుదల హక్కులను.. హీరో నితిన్ (Nithiin) హోమ్ బ్యానర్ శ్రేష్ట్ మూవీస్ (Sreshth Movies) ఫ్యాన్సీ ధరకు సొంతం చేసుకుంది. యంగ్ మ్యూజిక్ సెన్సేషన్ అనిరుధ్ రవిచందర్ (Anirudh Ravichander) సంగీతం అందిస్తున్న ఈ చిత్రానికి గిరీష్ గంగాధరన్ (Girish Gangadharan) సినిమాటోగ్రాఫర్‪గా, ఫిలోమిన్ రాజ్ (Philomin Raj) ఎడిటర్‪గా బాధ్యతలు నిర్వహిస్తున్నారు. కాళిదాస్ జయరామ్, నరైన్, అర్జున్ దాస్, శివాని నారాయణన్ వంటి వారు ఇతర కీలకపాత్రలలో కనిపించనున్నారు. 



Updated Date - 2022-05-23T23:53:22+05:30 IST

Read more