బి.ఎ.రాజుకు చిత్రపరిశ్రమ నివాళి

సీనియర్‌ జర్నలిస్ట్‌, నిర్మాత బి.ఎ.రాజు అనారోగ్యం కారణంగా కన్నుమూసి ఏడాది పూర్తయిన సందర్భంగా ప్రథమ వర్థంతిని ఆయన కుటుంబ సభ్యులు బుధవారం ఫిల్మ్‌నగర్‌ కల్చరల్‌ సెంటర్‌లో నిర్వహించారు. ఈ కార్యక్రమంలో ఆదిశేషగిరిరావు,  ఎస్వీ కృష్ణారెడ్డి, అచ్చిరెడ్డి, సి.కల్యాణ్‌, తమ్మారెడ్డి భరద్వాజ, ఎమ్మెస్‌ రాజు, బండ్ల గణేశ్‌, ఫిల్మ్‌ జర్నలిస్టు కుటుంబాలు హాజరయ్యాయి. తెలుగు చిత్రపరిశ్రమతో బి.ఎ.రాజుకు ఉన్న అనుబంధాన్ని, పాత్రికేయుడిగా ఆయన నిబద్ధతను ఈ సందర్భంగా అందరూ గుర్తు చేసుకున్నారు. బి.ఎ.రాజు పేరుతో ప్రతి ఏడాది ఏదన్నా కార్యక్రమాన్ని నిర్వహిస్తే, దానికి తనవంతు సాయం అందిస్తానని సి.కల్యాణ్‌ ప్రకటించారు.