Dasara: సిల్క్ బార్‌లో.. ధూమ్ ధామ్ అంటూ దుమ్ములేపారు
ABN, First Publish Date - 2022-10-04T02:18:39+05:30
న్యాచురల్ స్టార్ నాని (Natural Star Nani) ఈసారి ఊరమాస్ లుక్‌లో ఎంటర్‌టైన్ చేయబోతున్నారు. ఆయన హీరోగా తెరకెక్కుతోన్న చిత్రం ‘దసరా’ (Dasara). పాన్ ఇండియా
న్యాచురల్ స్టార్ నాని (Natural Star Nani) ఈసారి ఊరమాస్ లుక్‌లో ఎంటర్‌టైన్ చేయబోతున్నారు. ఆయన హీరోగా తెరకెక్కుతోన్న చిత్రం ‘దసరా’ (Dasara). పాన్ ఇండియా చిత్రంగా తెరకెక్కుతోన్న ఈ చిత్రానికి శ్రీకాంత్ ఓదెల (Srikanth Odela) దర్శకుడు. శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి (Sudhakar Cherukuri) ప్రతిష్టాత్మకంగా ఈ సినిమాని నిర్మిస్తున్నారు. ‘నేను లోకల్’ (Nenu Local) సినిమా తర్వాత మరోసారి నాని సరసన కీర్తి సురేష్ హీరోయిన్‌గా నటిస్తోంది. ఇప్పటికే ఈ సినిమాకు సంబంధించిన విడుదలైన నాని మాస్ అవతారంలో ఉన్న పిక్స్.. సినిమాపై భారీ అంచనాలను క్రియేట్ చేయగా.. తాజాగా ఈ సినిమాలో ‘ధూమ్ ధామ్ ధోస్థాన్’ (DhoomDhaamDhosthaan) సింగల్ వదిలారు మేకర్స్. ఫుల్ సాంగ్ వదలడానికి ముందు వచ్చిన చిన్న చిన్న ప్రోమో వీడియోలు ఈ పాట ఎప్పుడెప్పుడు వస్తుందా.. అని వేచి చూసేలా చేశాయి. ఆ ఎదురుచూపులకు తెరదించుతూ.. దసరా పండుగను పురస్కరించుకుని ‘దసరా’లోని ఈ దుమ్మురేపే సాంగ్‌ని వదిలారు.
తెలంగాణ-శైలి జానపదంతో మొదలైన ఈ పాట..
‘‘పవ్వగొట్టు పవ్వగొట్టు.. బొటికూర దాంచుకు వెట్టు
బ్యాండు గొట్టు.. బ్యాండు గొట్టు వాడకట్టు లేసూగెటట్టు..
గుద్దితే సూస్కో.. ఓ అర్ధసేరు.. గజ్జల గుర్రం ఈ సిల్క్ బారు
ఇచ్చి పడేద్దాం.. చల్, గుచ్చి పడేద్దాం.. ఎవ్వడడ్డమొస్తడోజూద్దాం.. బాంచత్!!
ధూమ్ ధామ్ ధోస్థాన్.. ఇరగ మరగ చేద్దాం.. ధూమ్ ధామ్ ధోస్థాన్ ఇరగ మరగ చేద్దాం’’ అంటూ ఊర మాస్ స్టెప్పులతో సాగిన ఈ పాటలో కనకవ్వ పాడిన ‘బతకమ్మ’ పాటని కూడా చేర్చారు. ఈ పాటలో నాని లుక్, మేకోవర్‌కి మునుపెన్నడూ చూడని విధంగా వుంది. నాని, అతని బ్యాచ్ అద్భుతమైన, డైనమిక్ డ్యాన్స్ మూవ్స్‌తో బొగ్గు గనులలో దుమ్ము రేపారు. ఈ పాటను సంతోష్ నారాయణ్ కంపోజ్ చేయగా.. రాహుల్ సిప్లిగంజ్, పాలమూరు జంగిరెడ్డి, నర్సమ్మ, గొట్టె కనకవ్వ, గన్నోర దాస లక్ష్మి పాడారు. తెలంగాణ స్టైల్‌లో కాసర్ల శ్యామ్ ఈ పాటకు ఆకట్టుకునేలా సాహిత్యం అందించారు. మాసియెస్ట్ లోకల్ స్ట్రీట్ సాంగ్‌లా.. మాస్ జాతరే అన్నట్లుగా ఉందీ పాట. ప్రస్తుతం ఈ పాట యూట్యూబ్‌లో టాప్‌లో ట్రెండ్ అవుతోంది. కాగా, ఈ సినిమాని తెలుగు, తమిళం, కన్నడ, మలయాళం, హిందీ భాషల్లో 30 మార్చి 2023న విడుదలచేసేందుకు మేకర్స్ సన్నాహాలు చేస్తున్నారు. (Dasara movie Dhoom Dhaam Dhosthaan song)