Chiyan Vikram : నిలకడగానే ఆరోగ్యం
ABN , First Publish Date - 2022-07-08T20:31:13+05:30 IST
కోలీవుడ్ చిత్ర పరిశ్రమ షాకయ్యే సంఘటన జరిగింది. స్టార్ హీరో చియాన్ విక్రమ్కు గుండె పోటు రావడంతో.. హుటాహుటిన ఆయననున చెన్నైలోని ఒక ఆసుపత్రిలో జాయిన్ చేశారు. తమిళంలో ఎన్నో విభిన్నమైన పాత్రలు పోషించిన ఆయన తాజాగా ‘కోబ్రా’ అనే మూవీలో నటిస్తున్నారు.
కోలీవుడ్ చిత్ర పరిశ్రమ షాకయ్యే సంఘటన జరిగింది. స్టార్ హీరో చియాన్ విక్రమ్కు గుండె పోటు రావడంతో.. హుటాహుటిన ఆయనను చెన్నై కావేరీ ఆసుపత్రికి తరలించి ఐసీయూలో జాయిన్ చేశారు. తమిళంలో ఎన్నో విభిన్నమైన పాత్రలు పోషించిన ఆయన తాజాగా ‘కోబ్రా’ అనే మూవీలో నటిస్తున్నారు. ఈ సినిమా త్వరలోనే విడుదల కానుంది. ఈ క్రమంలో ఆయనకి హార్ట్ ఎటాక్ రావడంతో అభిమానులు ఆందోళన చెందుతున్నారు.
ప్రస్తుతం ఆయన ఆరోగ్యం నిలకడగా ఉన్నట్టు సమాచారం అందుతోంది. నిజానికి ఆయనకి గుండె పోటు రాలేదని, హైఫీవర్ తో బాధపడుతున్నారని అంతగా ఆందోళన చెందాల్సిన అవసరం లేదని సినీ క్రిటిక్ రమేశ్ బాలా ట్వీట్ చేశారు. అలాగే.. కావేరీ ఆసుపత్రిలో విక్రమ్ చికిత్స తీసుకుంటున్నారని.. ఆయన ఆరోగ్యం ప్రస్తుతం నిలకడగానే ఉందని వైద్యులు తెలిపినట్లుగా సమాచారం. ఇటీవల కరోనా బారినపడిన విక్రమ్.. కోలుకుని ప్రస్తుతం షూటింగ్స్లో పాల్గొంటున్నారు. ఇవాళ సాయంత్రం 6 గంటలకు చెన్నైలో జరగాల్సిన తన రాబోయే చిత్రం ‘పొన్నియిన్ సెల్వన్ 1’ టీజర్ లాంచ్కు విక్రమ్ హాజరు కావాల్సి ఉంది.