రవితేజతో కేథరిన్‌?
ABN, First Publish Date - 2022-03-27T06:17:02+05:30
చిరంజీవి కథానాయకుడిగా బాబి దర్శకత్వంలో ఓ చిత్రం రూపుదిద్దుకొంటోంది. రవితేజ ఓ కీలక పాత్ర పోషిస్తున్నారు...
చిరంజీవి కథానాయకుడిగా బాబి దర్శకత్వంలో ఓ చిత్రం రూపుదిద్దుకొంటోంది. రవితేజ ఓ కీలక పాత్ర పోషిస్తున్నారు. ఆయనకు జోడీగా కేథరిన్‌ థెరిస్సాని ఎంచుకున్నట్టు తెలుస్తోంది. ‘సరైనోడు’ హిట్‌ తరవాత కేథరిన్‌ ఆ అవకాశాన్ని సరిగా వాడుకోలేదు. అయితే ఇప్పుడు ఆమెకు మళ్లీ అవకాశాలు వస్తున్నాయి. నితిన్‌ సినిమా ‘మాచర్ల నియోజకవర్గం’లో తానో కథానాయికగా నటిస్తున్నారు. ఆ చిత్రం త్వరలో విడుదల కానుంది. ఈలోగా కేథరిన్‌కి మరో అవకాశం దక్కినట్టైంది. చిరు సోదరుడిగా రవితేజ నటిస్తున్నట్టు సమాచారం. ప్రస్తుతం హైదరాబాద్‌లో చిత్రీకరణ జరుగుతోంది. రవితేజ కూడా సెట్లో అడుగుపెట్టారని, ప్రస్తుతం చిరంజీవి, రవితేజ, కేథరిన్‌లపై కీలకమైన సన్నివేశాల్ని తెరకెక్కిస్తున్నారని టాక్‌.