Nawazuddin Siddiqui: హీరో 100 కోట్లు తీసుకోవడం వల్లే సినిమాకి నష్టాలు

ABN , First Publish Date - 2022-12-12T13:00:53+05:30 IST

హిందీ చిత్రసీమలో అత్యుత్తమ నటులలో నవాజుద్దీన్ సిద్ధిఖీ (Nawazuddin Siddiqui) ఒకరు. ‘కహానీ’, ‘గ్యాంగ్స్ ఆఫ్ వాసేపూర్’, ‘బజరంగీ భాయిజాన్’, ‘తలాష్’, ‘ది లంచ్‌బాక్స్’, ‘బద్లాపూర్’ వంటి చిత్రాలలో మంచి గుర్తింపు సాధించాడు.

Nawazuddin Siddiqui: హీరో 100 కోట్లు తీసుకోవడం వల్లే సినిమాకి నష్టాలు
Nawazuddin Siddiqui

హిందీ చిత్రసీమలో అత్యుత్తమ నటులలో నవాజుద్దీన్ సిద్ధిఖీ (Nawazuddin Siddiqui) ఒకరు. ‘కహానీ’, ‘గ్యాంగ్స్ ఆఫ్ వాసేపూర్’, ‘బజరంగీ భాయిజాన్’, ‘తలాష్’, ‘ది లంచ్‌బాక్స్’, ‘బద్లాపూర్’ వంటి చిత్రాలలో మంచి గుర్తింపు సాధించాడు. తాజాగా సినిమా నటులు, హీరోలపై నవాజుద్దీన్ ఓ ఇంటర్వ్యూలో విమర్శలు చేశాడు. కేవలం నైపుణ్యాల మీద దృష్టి పెట్టాలని సలహాలు కూడా ఇచ్చాడు.

నవాజుద్దీన్ మాట్లాడుతూ.. ‘బాక్సాఫీస్ (Box Office) కలెక్షన్లను చూడటం నిర్మాత బాధ్యత. ఓ నటుడు (Actor) టిక్కెట్ల అమ్మకాల గురించి బాధపడకూడదు. నేను దానిని అవినీతిగా చూస్తాను. ఒక నటుడు దాని గురించి ఎందుకు మాట్లాడాలి. బాక్సాఫీస్‌లో సినిమాకి రూ.100 కోట్లు వసూలు చేసిన స్టార్స్ సినిమాలకు నష్టం వాటిల్లింది. చిన్న బడ్జెట్ అయినా, ఓ మోస్తరు బడ్జెట్ సినిమా (Budget Cinema) అయినా పెయిల్యూర్ కాదు. ప్రతిసారీ సినిమా బడ్జెట్ పరిమితికి మించి ఉంటుంది. అది ఫ్లాప్ అవుతుంది. నటీనటులు, దర్శకులు, కథకులు ఫ్లాప్ అవ్వరు. సినిమా హిట్ అయినా ఫ్లాప్ అయినా అది సినిమా బడ్జెట్ వల్లే’ అని చెప్పుకొచ్చాడు.

‘డబ్బు ఎప్పుడూ మంచి ఆలోచనలు, అభిరుచిని వెంటాడుతుందనేది చారిత్రక వాస్తవం. నా దగ్గర ట్రిలియన్ డాలర్లు ఉండవచ్చు, కానీ నా దగ్గర లేకపోతే ఒక మంచి ఆలోచన గురించి ఆలోచించే సామర్థ్యం, నా ట్రిలియన్ డాలర్లు ఉన్న జేబులో చిల్లులు పడటం దాదాపు ఖాయం. సినిమా పరిశ్రమ దృక్కోణంలో, ఒక వ్యక్తి దగ్గర అద్భుతమైన స్క్రిప్ట్‌ ఉంటే, ఆ స్క్రిప్ట్‌ని పొందడానికి నిర్మాతలు డబ్బుతో ఆ వ్యక్తి వెనుక పరుగెత్తుతారు. సామర్థ్యం ఉన్న మెదడుకు, మంచి ఆలోచనలతో ముందుకు రాగల వ్యక్తికి మనం మరింత ఫ్రీడమ్ ఇవ్వాలి’ అని తెలిపాడు. కాగా.. నవాజుద్దీన్ ‘హడ్డి’, కంగనా రనౌత్ నిర్మాణంలో రొమాంటిక్ డ్రామా ‘టిక్కు వెడ్స్ షేరు’లో నటిస్తున్నాడు.

Updated Date - 2022-12-12T13:45:54+05:30 IST

Read more