త్వరలోనే ప్రేక్షకుల ముందుకు రాబోతున్న Koffee With Karan.. స్ట్రీమింగ్ ఎక్కడంటే..?

బాలీవుడ్ నిర్మాత, డైరెక్టర్ కరణ్ జోహార్(Karan Johar)బరువెక్కిన హృదయంతో ఓ కీలక ప్రకటన చేశాడు. ఆయన హోస్ట్‌గా వ్యవహరించిన సెలబ్రిటీ చాట్ షో ‘కాఫీ విత్ కరణ్’ (Koffee With Karan) ముగిసిందని

బాలీవుడ్ నిర్మాత, డైరెక్టర్ కరణ్ జోహార్(Karan Johar)బరువెక్కిన హృదయంతో ఓ కీలక ప్రకటన చేశాడు. ఆయన హోస్ట్‌గా వ్యవహరించిన సెలబ్రిటీ చాట్ షో ‘కాఫీ విత్ కరణ్’ (Koffee With Karan) ముగిసిందని చెప్పాడు. ఈ విషయాన్ని తెలుపుతూ సోషల్ మీడియాలో బుధవారం ఓ పోస్ట్ పెట్టాడు. కానీ, మార్కెటింగ్ ఎత్తుగడలో భాగంగా సోషల్ మీడియాలో అతడు ఈ పోస్ట్ పెట్టాడు. ఈ చాట్ షో ముగియలేదని త్వరలోనే ఓటీటీ ప్లాట్‌ఫాం ‘డిస్నీ+హాట్ స్టార్’ లో స్ట్రీమింగ్ కాబోతుందని కరణ్ ప్రకటించాడు.

షోలో భాగంగా కరణ్ అనేక మంది సెలబ్రిటీలను ఇంటర్వ్యూ చేశాడు. ఇప్పటికే ఈ చాట్ షో ఆరు సీజన్‌లు ప్రసారమయ్యి శ్రోతలను విపరీతంగా ఆకట్టుకుంది. త్వరలోనే ఏడో సీజన్ ప్రసారం కాబోతుందని మీడియాలో పుకార్లు షికార్లు చేయడం ప్రారంభించాయి. ఈ నేపథ్యంలో కరణ్ జోహార్ సోషల్ మీడియా వేదికగా ఓ ప్రకటన విడుదల చేశాడు. ‘‘ప్రతి గొప్ప కథకు ఓ మంచి ట్విస్ట్ తప్పక ఉండాలి. ‘కాఫీ విత్ కరణ్’ తిరిగి టీవీలో ప్రసారం కాదు. ఈ చాట్ షో 7వ సీజన్ ‘డిస్నీ+హాట్ స్టార్‌’ లో ప్రసారం కానుంది. భారత్‌కు చెందిన పెద్ద తారలందరూ కాఫీ తాగుతూ ఈ షోలో పాల్గొనబోతున్నారు. వదంతులకు చెక్ పెట్టి లోతైన చర్చలను జరపడానికి ఈ షో సిద్ధంగా ఉంది’’ అని ట్విట్టర్‌లో కరణ్ పోస్ట్ పెట్టాడు.