Amitabh ఇంట్లో పార్టీ.. మంటల్లో చిక్కుకున్న Aishwarya Rai మేనేజర్.. సరిగ్గా మూడేళ్ల క్రితం ఏం జరిగిందంటే..

బాలీవుడ్‌లో కొత్త రకం పాత్రలతో ప్రేక్షకులను అలరిస్తున్న నటుడు బిగ్ బీ అమితాబ్ బచ్చన్(Amitabh Bachchan). ఈ మధ్యనే ‘ఝుండ్’ లో నటించి అభిమానులను ఆకట్టుకున్నారు. ప్రతి ఏడాది దీపావళికీ ఆయన పార్టీ ఇస్తుంటారు. ఆ విధంగానే 2019లోను ఇచ్చారు. ఈ పార్టీకి ఐశ్వర్య రాయ్ (Aishwarya Rai) కూడా వచ్చింది. ఆ సంబరాల్లో ఐశ్వర్య మేనేజర్ మంటల్లో చిక్కుకున్నారు. ఆ సమయంలో ఓ స్టార్ హీరో వచ్చి మేనేజర్‌ను కాపాడారు. వివరాల్లోకి వెళ్లితే..

బాలీవుడ్ అందాల సుందరి ఐశ్వర్య రాయ్‌కు అనేక ఏళ్లుగా అర్చన సదానంద్(Archana Sadanand) మేనేజర్‌గా పనిచేస్తున్నారు. మూడేళ్ల క్రితం బిగ్ బీ దీపావళి పార్టీ ఇచ్చారు. ఈ సంబరాలకు అనుష్క శర్మ, విరాట్  కోహ్లీ, రిషి కపూర్, నీతూ సింగ్, పరిణీతి చోప్రా, అక్షయ్ కుమార్, షాహిద్ కపూర్‌తో పాటు మరికొందరు హాజరయ్యారు. ఐశ్వర్య తన మేనేజర్ అర్చనతో కలసి ఈ పార్టీలో సందడి చేశారు. అమితాబ్  ఇంటి వెనుక భాగంలో తెల్లవారుజామున 3గంటలకు మంటలు చెలరేగాయి. ఆ సమయంలో అక్కడే ఉన్న అర్చన డ్రెస్‌కు అంటుకున్నాయి. ఈ ఘటనతో అందరు షాక్‌కు గురయ్యారు. అప్పుడు బీ టౌన్ బాద్‌షా షారూఖ్ ఖాన్ (Shah Rukh Khan) చాకచక్యంగా ఆమెను కాపాడాడు. అనంతరం చికిత్స కోసం ఆమెను ముంబైలోని నానావతి ఆస్పత్రికి తరలించారు. ఈ ప్రమాదంలో షారూఖ్‌కు కూడా గాయాలయ్యాయి. స్ర్కీన్ మీద మాత్రమే హీరోలు స్టంట్స్ చేస్తుంటారు. కానీ, రియల్ లైఫ్‌లోను హీరోయిక్ ప్రదర్శనతో ఆమె ప్రాణాలను షారూఖ్ కాపాడటం విశేషం.