Viral Video: లోన్ ఇస్తామంటూ స్కామర్ కాల్.. ఆడేసుకున్న బాలీవుడ్ యువ నటుడు
ABN, First Publish Date - 2022-01-19T18:47:24+05:30
సల్మాన్ ఖాన్ హీరోగా నటించిన ‘అంతిమ్: ది ఫైనల్ ట్రూత్’తో మంచి బాలీవుడ్‌లో మంచి పాపులారిటీ సాధించిన నటుడు ఆయుష్ శర్మ...
సల్మాన్ ఖాన్ హీరోగా నటించిన ‘అంతిమ్: ది ఫైనల్ ట్రూత్’తో మంచి బాలీవుడ్‌లో మంచి పాపులారిటీ సాధించిన నటుడు ఆయుష్ శర్మ. ఆ సినిమాలో ఎంతో సిరీయస్‌గా కనిపించిన ఆయన బయట చాలా సెన్స్ ఆఫ్ హ్యూమర్‌తో ఉంటాడు. తాజాగా ఓ స్కామర్‌ని ఈ నటుడు ఆడుకున్న వీడియోని సోషల్ మీడియాలో షేర్ చేశాడు.
అందులో.. ఆయుష్, అంతిమ్ సెట్స్‌లో నటి మహిమా మక్వాన్ కలిసి ఉండగా ఓ స్కామ్ కాల్ వచ్చింది. ఆమె 3 నుంచి 35 లక్షల అప్పును 10 సంవత్సరాలకి ఇస్తామని చెప్పింది. వెంటనే నాకు లక్షలు కాదు కోట్లు కావాలంటూ ప్రాంక్ చేశాడు.
‘నేను చాలా పెద్ద కొరియోగ్రాఫర్‌ని మూడు లక్షలు నాకేం సరిపోతాయి. నాకు కోట్లలో కావాలం’టూ అడిగాడు ఆయుష్. అయితే కొద్దిసేపు తర్వాత ఆయన ఆడుకుంటున్నాడని అర్థం చేసుకున్న ఆ స్కామర్ ‘సర్.. మీరు లోన్ తీసుకోవాల్సిన అవసరం లేద’ని ఫోన్ పెట్టేసింది. ఆ ఫన్నీ వీడియోని మీరు ఓసారి చూసేయండి..