ధనుష్ సెట్స్‌లో జాయినైన‌ రాశీఖన్నా

ధనుష్‌, మిత్రన్‌ జవహర్‌ కాంబినేషన్‌లో ‘తిరుచ్చిట్రాంబలం’ అనే ప్రాజెక్టు ఇటీవలే అనౌన్స్ చేసిన సంగ‌తి తెలిసిందే. ఇప్పటికే ‘యారడీ నీ మోహిని’, ‘ఉత్తమ పుత్తిరన్‌’, ‘కుట్టి’ వంటి విజయవంతమైన చిత్రాలను హీరో ధనుష్‌కు అందించిన మిత్రన్‌ ఈ కొత్త చిత్రాన్ని ప్రారంభించారు. పైగా చాలా గ్యాప్‌ తర్వాత ధనుష్‌ - మిత్రన్‌ కాంబినేషన్‌లో ఈ చిత్రం రానుంది. అయితే, ఈ మూవీలో ధనుష్‌ సరసన ముగ్గురు హీరోయిన్లు నటించనున్నారు. వీరిలో నిత్యా మీనన్‌, రాశీ ఖన్నా, ప్రియా భవానీ శంకర్‌ ఉన్నారు. వీరితోపాటు స్టార్‌ దర్శకుడు భారతీరాజా, నటుడు ప్రకాష్‌ రాజ్‌ వంటి పలువురు సీనియర్‌ నటీనటులు ప్రధాన పాత్రల్లో కనిపించనున్నారు. ఇప్పటికే ఈ చిత్రం పూజా కార్యక్రమాలను పూర్తి చేసుకోగా, గురువారం నుంచి షూటింగ్‌ ప్రారంభమైంది. తొలి షెడ్యూల్‌లో హీరోయిన్ రాశీఖన్నా సెట్స్‌లో జాయిన్ అయ్యింది. ధ‌నుష్‌, రాశీఖన్నాల‌పై స‌న్నివేశాల‌ను చిత్రీక‌రిస్తున్నారు. ఈ విషయాన్ని రాశీ ఖన్నా తన ట్విట్టర్‌ ఖాతాలో వెల్లడించింది. అలాగే, షూటింగ్‌ లొకేషన్‌ నుంచి కూడా ఒక ఫొటో కూడా ఆమె తన ట్విట్టర్‌లో షేర్‌ చేసింది.