Puneeth Rajkumar వ్యక్తిగత వైద్యుడి ఇంటి వద్ద భారీ భద్రత!
ABN, First Publish Date - 2021-11-08T16:15:55+05:30
కన్నడ పవర్స్టార్ పునీత్ రాజ్కుమార్ ఇక లేరనే విషయాన్ని అభిమానులు ఇప్పటికీ జీర్ణించుకోలేకపోతున్నారు.
కన్నడ పవర్స్టార్ పునీత్ రాజ్కుమార్ ఇక లేరనే విషయాన్ని అభిమానులు ఇప్పటికీ జీర్ణించుకోలేకపోతున్నారు. కేవలం నటుడిగానే కాకుండా.. చిరస్మరణీయ సేవల ద్వారా పునీత్ ప్రజల మనసులో చోటు సంపాదించుకున్నారు. రోజూ అనేకమంది వచ్చి ఆయన సమాధిని దర్శించుకుంటున్నారు. కాగా, పునీత్ రాజ్కుమార్ వ్యక్తిగత వైద్యుడు డాక్టర్ రమణరావుకు అభిమానుల నుంచి బెదిరింపులు వస్తున్నాయి.
రమణారావు నిర్లక్ష్యం వల్లే పునీత్ చనిపోయారని పలువురు అభిమానులు ఆరోపిస్తున్నారు. దీంతో ఆయనకు బెంగళూరు సిటీ పోలీసులు రక్షణ కల్పించారు. బెంగళూరులోని సదాశివనగర్‌లో ఉన్న ఆయన నివాసం, క్లినిక్ బయట కేఎస్ఆర్‌పీ ప్లాటూన్‌ను మోహరించారు. ఎలాంటి అవాంఛనీయ సంఘటనలూ జరగకుండా చర్యలు తీసుకుంటున్నారు. పునీత్‌కు వైద్య చికిత్స అందించిన డాక్టర్ రమణరావు, ఇతర వైద్య నిపుణులకు రక్షణ కల్పించాలని ప్రైవేట్ ఆసుపత్రులు, నర్సింగ్ హోమ్‌ల అసోసియేషన్ (పీహెచ్ఏఎన్ఏ) కోరడంతో పోలీసులు ఈ భద్రత కల్పించారు.