ఓటీటీలో విడుదలవుతోన్న భారీ మలయాళ చిత్రం!
ABN , First Publish Date - 2021-11-01T14:50:45+05:30 IST
కంప్లీట్ యాక్టర్ మోహన్ లాల్ నటించిన భారీ మలయాళ చారిత్రక చిత్రం ‘మరక్కార్ : అరబిక్కడలిండే సింహం’. ప్రియదర్శన్ దర్శకత్వంలో రూపొందుతున్న ఈ సినిమా కేరళ నేవీ ఆఫీసర్ కుంజాలీ మరక్కార్ 4 జీవిత కథ ఆధారంగా ఈ సినిమా రూపొందింది. సూపర్ హిట్ హాలీవుడ్ చిత్రం ‘పైరైట్స్ ఆఫ్ కరేబియన్’ చిత్రం తరహాలో గ్రాఫిక్స్ మాయాజాలంతో విజువల్ గ్రాండియర్ గా ఈ సినిమాను తీర్చిదిద్దారు. ఈ సినిమా ఎప్పుడో టాకీ పార్ట్ పూర్తి చేసుకొని... విడుదలకు సిద్ధమైంది.
కంప్లీట్ యాక్టర్ మోహన్ లాల్ నటించిన భారీ మలయాళ చారిత్రక చిత్రం ‘మరక్కార్ : అరబిక్కడలిండే సింహం’. ప్రియదర్శన్ దర్శకత్వంలో రూపొందుతున్న ఈ సినిమా కేరళ నేవీ ఆఫీసర్ కుంజాలీ మరక్కార్ 4 జీవిత కథ ఆధారంగా ఈ సినిమా రూపొందింది. సూపర్ హిట్ హాలీవుడ్ చిత్రం ‘పైరైట్స్ ఆఫ్ కరేబియన్’ చిత్రం తరహాలో గ్రాఫిక్స్ మాయాజాలంతో విజువల్ గ్రాండియర్ గా ఈ సినిమాను తీర్చిదిద్దారు. ఈ సినిమా ఎప్పుడో టాకీ పార్ట్ పూర్తి చేసుకొని... విడుదలకు సిద్ధమైంది. అయితే కరోనా లాక్ డౌన్ కారణంగా చాలా సార్లు విడుదలను వాయిదా వేసుకుంది. ఆ టైమ్ లో పలు ఓటీటీల నుంచి ఈ సినిమాకి టెంమ్టింగ్ ఆఫర్స్ వచ్చాయి. అయినా సరే ఇంతటి భారీ చిత్రాన్ని థియేటర్స్ లోనే విడుదల చేస్తే బాగుంటుందని అప్పుడు నిర్మాతలు భావించారు.
అయితే కరోనా సెకండ్ వేవ్ కారణంగా మళ్ళీ కేరళలోని థియేటర్స్ మూతపడే పరిస్థితులేర్పడడం, అలాగే.. థర్డ్ వేవ్ ముప్పుకూడా భయపెడుతుండడంతో ఇప్పుడు ఈ సినిమాను అమెజాన్ ప్రైమ్ లో విడుదల చేయబోతున్నారు. ఈ సినిమాకి ఓటీటీ తో ప్రోఫిటబుల్ డీల్ కుదిరిందట. త్వరలోనే ఈ సినిమా విడుదల తేదీని అనౌన్స్ చేయబోతున్నారు. మలయాళంతో పాటు తమిళ, తెలుగు, కన్నడ, హిందీ భాషల్లోనూ సినిమా స్ట్రీమ్ కానుంది. ఇక ఈ సినిమాలో కీర్తి సురేశ్ కథానాయికగా నటిస్తుండగా.. మోహన్ లాల్ టీనేజ్ పాత్రను ఆయన తనయుడు ప్రణవ్ మోహన్ లాల్ చేస్తుండగా.. కీర్తి సురేశ్ చిన్నప్పటి పాత్రను ప్రియదర్శన్ తనయ కళ్యాణి ప్రియదర్శన్ చేస్తుండడం విశేషం. ఇప్పటికే విడుదలైన టీజర్స్, ట్రైలర్ కు మంచి రెస్పాన్స్ వచ్చింది. మరి ఈ సినిమాకి ఓటీటీలో ఎలాంటి స్పందన లభిస్తుందో చూడాలి.