50 కోట్ల క్లబ్ లోకి దుల్ఖర్ సల్మాన్ ‘కురుప్’
ABN , First Publish Date - 2021-11-16T20:50:37+05:30 IST
మాలీవుడ్ యంగ్ సూపర్ స్టార్ దుల్ఖర్ సల్మాన్ లేటెస్ట్ మూవీ ‘కురుప్’. మలయాళంతో పాటు తెలుగు, తమిళ, కన్నడ, హిందీ భాషల్లో విడుదలైన ఈ పాన్ ఇండియా మూవీకి మంచి టాక్ వచ్చింది. ముఖ్యంగా కేరళలో ఈ సినిమా బిగ్గెస్ట్ హిట్ అయింది. ఈ నెల 12న విడుదలైన ఈ సినిమా ఈ ఆరు రోజుల్లోనూ దుల్ఖర్ కెరీర్ లోనే అత్యధిక కలెక్షన్స్ సాధించిన సినిమాగా నమోదైంది.
మాలీవుడ్ యంగ్ సూపర్ స్టార్ దుల్ఖర్ సల్మాన్ లేటెస్ట్ మూవీ ‘కురుప్’. మలయాళంతో పాటు తెలుగు, తమిళ, కన్నడ, హిందీ భాషల్లో విడుదలైన ఈ పాన్ ఇండియా మూవీకి మంచి టాక్ వచ్చింది. ముఖ్యంగా కేరళలో ఈ సినిమా బిగ్గెస్ట్ హిట్ అయింది. ఈ నెల 12న విడుదలైన ఈ సినిమా ఈ ఆరు రోజుల్లోనూ దుల్ఖర్ కెరీర్ లోనే అత్యధిక కలెక్షన్స్ సాధించిన సినిమాగా నమోదైంది. అప్పుడే ఈ సినిమా రూ. 50కోట్ల క్లబ్ లోకి చేరడం విశేషం. 1984లో కేరళ లో జరిగిన లో సెన్సేషన్ మర్డర్ కేసు పై ఈ సినిమా రూపొందింది.
రూ.8లక్షల ఇన్సూరెన్స్ డబ్బుల కోసం ఓ ఫిల్మ్ రిప్రెజెంటేటివ్ ను హత్యచేసిన సుకుమార కురుప్ అనే క్రిమినల్ ఇప్పటికీ కేరళ పోలీసులకు పట్టుబడకపోవడం గమనార్హం. అతడి కోసం 37 సంవత్సరాల నుంచి కేరళ పోలీస్ డిపార్ట్ మెంట్ అన్వేషిస్తూనే ఉంది. ఆ పాత్రను దుల్ఖర్ సల్మాన్ అద్బుతంగా పోషించి రక్తికట్టించారు. వాస్తవ సంఘటనలతో సినిమాటిక్ లిబర్టీ తీసుకొని.. మంచి డ్రామాతో ఈ సినిమాను తెరకెక్కించారు దర్శకుడు శ్రీనాథ్ రాజేంద్రన్. దుల్ఖర్ సల్మాన్ సొంత నిర్మాణ సంస్థలో నిర్మాణం జరుపుకున్న ‘కురుప్’ సినిమా అన్ని భాషల్లోనూ మంచి టాక్ తెచ్చుకుంది. ఇప్పటికీ హౌస్ ఫుల్ కలెక్షన్స్ తో హోరెత్తున్న ఈ సినిమా లాంగ్ రన్ లో ఇంకెంతగా వసూలు చేస్తుందో చూడాలి.