పవన్ కెరీర్‌లో భారీ బడ్జెట్ సినిమా అదేనా?
ABN, First Publish Date - 2021-01-28T14:58:38+05:30
ప్రస్తుతం స్టార్ హీరోలందరూ పాన్ ఇండియా సినిమాలు, భారీ బడ్జెట్ మూవీస్‌పై దృష్టి సారిస్తున్నారు.
ప్రస్తుతం స్టార్ హీరోలందరూ పాన్ ఇండియా సినిమాలు, భారీ బడ్జెట్ మూవీస్‌పై దృష్టి సారిస్తున్నారు. అయితే పవర్‌స్టార్ పవన్ కల్యాణ్ మాత్రం ఇప్పటివరకు భారీ బడ్జెట్ సినిమాలో నటించలేదు. త్వరలో ఆ లోటు కూడా తీరబోతోంది. పవన్ కెరీర్లోనే భారీ బడ్జెట్ మూవీ ప్రస్తుతం షూటింగ్ దశలో ఉంది. అదే డైరెక్టర్ క్రిష్ రూపొందిస్తున్న సినిమా.
మొఘల్ కాలం నాటి ఫిక్షన్ కథతో తెరకెక్కుతున్న ఈ సినిమాలో పవన్ వజ్రాల దొంగగా కనిపించబోతున్నారు. ఈ సినిమా కోసం హైదరాబాద్ పరిసర ప్రాంతాల్లో భారీ సెట్స్ వేస్తున్నారు. అలాగే రాజస్థాన్, గుజరాత్ రాష్ట్రాల్లో కూడా షూటింగ్ జరుపబోతున్నారు. ఇక, గ్రాఫిక్స్ కోసం భారీగా ఖర్చు పెట్టబోతున్నారు. ఈ నేపథ్యంలో నిర్మాత ఏఎమ్ రత్నం ఈ సినిమా కోసం భారీ బడ్జెట్‌నే కేటాయించారట. ఏకంగా 170 కోట్ల రూపాయల బడ్జెట్‌తో ఈ సినిమాను రూపొందిస్తున్నారట.