పవన్ కళ్యాణ్ ఆ మాస్ డైరెక్టర్‌కు గ్రీన్ సిగ్నల్..?

కొన్ని రేర్ కాంబినేషన్స్ ఎప్పుడూ హాట్ టాపిక్‌గా మారుతుంటాయి. అలాంటి రేర్ కాంబినేషన్ పవర్ స్టార్ పవన్ కళ్యాణ్, మాస్ డైరెక్టర్ బోయపాటి శ్రీను. వీరి కాంబినేషన్‌లో ఓ సినిమాకు సన్నాహాలు జరుగుతునట్టు తాజా వార్త ఒకటి సోషల్ మీడియాలో చక్కర్లు కొడుతోంది. ఇటీవల 'అఖండ' సినిమాతో బాలయ్యకి హ్యాట్రిక్ ఇచ్చిన బోయపాటి అఫీషియల్‌గా ఇంకా నెక్స్ట్ సినిమాను అనౌన్స్ చేయలేదు. సోషల్ మీడియాలో మాత్రం ఈ మధ్య ఐకాన్ స్టార్ అల్లు అర్జున్‌తో ఆయన నెక్స్ట్ సినిమా ఉంటుందని వార్తలు వస్తున్నాయి. ఈ లోపు పవన్ కళ్యాణ్‌తో సినిమా చేయనున్నారనే తాజా వార్త వచ్చి వైరల్ అవుతోంది. పవన్ కళ్యాణ్ పవర్‌కు, బోయపాటి యాక్షన్ తోడైతే మాత్రం బాక్సాఫీస్ వద్ద సునామీనే. అయితే, ఈ కాంబినేషనే సెట్ అవ్వాలి. ప్రస్తుతం పవన్ ఓ వైపు రాజకీయాలలో బిజీగా ఉంటునే కమిటయిన సినిమాలను పూర్తి చేస్తున్నారు. ఇప్పటికే సెట్స్ మీద రెండు సినిమాలున్నాయి. మరో రెండు సినిమాలు పూర్తి చేయాల్సి ఉంది. కాబట్టి బోయపాటి పవన్‌తో సినిమా చేయాలంటే ఇప్పట్లో అయ్యే పని కాదని చెప్పుకుంటున్నారు.