Cinema Review: ‘నాట్యం’
ABN, First Publish Date - 2021-10-22T20:54:17+05:30
‘సాగర సంగమం’, ‘మయూరి’, స్వర్ణకమలం’ నాట్యం నేపథ్యంలో వచ్చిన తెలుగు క్లాసికల్ సినిమాలు. అన్నీ ప్రేక్షకాదరణ పొందినవే! కమర్షియల్ హంగులకు అలవాటు పడిన మేకర్స్ తాజా పరిస్థితుల్లో కళాత్మక చిత్రాలకు కాస్త దూరంగా ఉంటూ.. ఫార్ముల చిత్రాలను మాత్రమే ప్రేక్షకుల ముందుకు తీసుకొస్తున్నారు. అయితే స్వతహాగా కూచిపూడి డాన్సర్ అయిన సంధ్యారాజు నాట్యం పట్ల ఉన్న మక్కువతో ‘నాట్యం’ చిత్రం చేశారు. ఆమె కథానాయికగా నటించి, నిర్మించడం విశేషం. యువ దర్శకుడు రేవంత్ కోరుకొండ దర్శకత్వం వహించారు. పూర్తిగా నాట్యం ఇతివృత్తంతో రూపొందిన ఈ చిత్రం శుక్రవారం ప్రేక్షకుల ముందుకొచ్చింది. మరి ప్రేక్షకులను ఏ మేరకు మెప్పించిందో చూద్దాం.
సినిమా: ‘నాట్యం’
విడుదల తేది: 22–10–2021
నటీనటులు: సంధ్యా రాజు, కమల్ కామరాజు, రోహిత్, శుభలేఖ సుధాకర్, భానుప్రియ, ఆదిత్య మీనన్, బేబీ దీవన తదితరులు.
నిర్మాత: నిశ్రింకళ ఫిల్మ్, సంధ్యారాజు
కెమెరా – ఎడిటింగ్– దర్శకత్వం: రేవంత్ కోరుకొండ
‘సాగర సంగమం’, ‘మయూరి’, స్వర్ణకమలం’ నాట్యం నేపథ్యంలో వచ్చిన తెలుగు క్లాసికల్ సినిమాలు. అన్నీ ప్రేక్షకాదరణ పొందినవే! కమర్షియల్ హంగులకు అలవాటు పడిన మేకర్స్ తాజా పరిస్థితుల్లో కళాత్మక చిత్రాలకు కాస్త దూరంగా ఉంటూ.. ఫార్ముల చిత్రాలను మాత్రమే ప్రేక్షకుల ముందుకు తీసుకొస్తున్నారు. అయితే స్వతహాగా కూచిపూడి డాన్సర్ అయిన సంధ్యారాజు నాట్యం పట్ల ఉన్న మక్కువతో ‘నాట్యం’ చిత్రం చేశారు. ఆమె కథానాయికగా నటించి, నిర్మించడం విశేషం. యువ దర్శకుడు రేవంత్ కోరుకొండ దర్శకత్వం వహించారు. పూర్తిగా నాట్యం ఇతివృత్తంతో రూపొందిన ఈ చిత్రం శుక్రవారం ప్రేక్షకుల ముందుకొచ్చింది. మరి ప్రేక్షకులను ఏ మేరకు మెప్పించిందో చూద్దాం.
కథ:
సితార (సంధ్యారాజు)కు చిన్నతనం నుంచే నాట్యం అంటే ప్రాణం. ఎప్పటికైనా గొప్ప నృత్యకారిణి కావాలనేది ఆమె కోరిక. తను విన్న కాదంబరి కథను నాట్యరూపంలో చేసి చూపించాలని తపన పడుతుంది. ఎంతో ఆసక్తితో నాట్యం నేర్చుకుంటుంది. తన గురువు ఆదిత్యామీనన్కు ప్రియ శిష్యురాలిగా ఉంటూ క్లాసికల్ డాన్స్పై పూర్తి పట్టు సాధిస్తుంది. కాదంబరి నాట్యంతో రంగ ప్రవేశం చేయాలనుకుంటుంది. అందుకు తన గురువు అంగీకరించడు. ఎందుకంటే ఆ నాట్యం జోలికి వెళ్లిన వారు మరణిస్తుంటారు. అయినప్పటికీ గురువు మాట కాదని ఆ నాట్యం వైపు వెళ్లాలనుకుంటుంది. అదే సమయంలో పట్టణం నుంచి వచ్చిన వెస్ట్రన్ డాన్సర్ రోహిత్తో సితారకు పరిచయం ఏర్పడుతుంది. అతని రాక సితార జీవితంలో పలు మలుపులకు, ఆమె చేసిన ఓ పని గ్రామస్థుల ఆగ్రహానికి కారణం అవుతుంది. ఇంతకీ సితార కల నెరవేరిందా? ఆమె జీవితంలో చోటుచేసుకున్న పరిణామాలేంటి? అన్నది మిగతా కథ.
విశ్లేషణ:
తెలుగు తెరపై నాట్య ప్రధాన చిత్రాలకు మంచి గుర్తింపు ఉంది. ఒకప్పుడు అదొక సక్సెస్ ఫార్ములా కూడా. గతంలో ఈ తరహా చిత్రాలు బాగా వచ్చేవి. వాటికి ఆదరణ కూడా బాగుండేది. క్రమేణా కమర్షియల్ ఫార్మెట్కు అలవాటు పడిన మేకర్స్ ఈ తరహా చిత్రాల వైపు కన్నెత్తి చూడడం లేదు. ఈ మధ్యకాలంలో ఈ తరహా ధైర్యం చేసిన మేకర్స్ లేరనే చెప్పాలి. పూర్తిగా నాట్యంతో కథ చెప్పాలనుకున్న దర్శకుడి ఐడియా బాగుంది. కానీ కథను నెరేట్ చేయడం, ఎగ్జిక్యూట్ చేయడంలో తటబాటు కనిపించింది. కమర్షియల్ కోణం ఉన్నప్పటికీ పూర్తి స్థాయిలో ఆయన చెప్పాలనుకున్న పాయింట్ను కరెక్ట్గా ఎగ్జిక్యూట్ చేయలేకపోయాడు. కాదంబరి కథను చెప్పాలనుకునే ప్రయత్నంలో ఆదిత్యామీనన్ తన భార్యను కోల్పోవడంతో అసలు ఆ కథేంటి? ఎందుకలా జరుగుతుందన్న ఆసక్తి అందరిలోనూ కలిగించేలా చేశాడు. ఆ రన్ ఎక్కువ సేపు కొనసాగించలేకపోయాడు. ప్రథమార్ధంలో కాస్త సాగదీత కనిపించింది. విరామ సమయం తర్వాత కథపై ఆసక్తి పెరిగింది. సెకెండాఫ్ కాస్త ఎమోషనల్గా సాగింది కానీ.. ఇంకొంచెం భావోద్వేగాలు జోడించి ఉంటే కథ మరోలా ఉండేది. చివరి 25 నిమిషాల సినిమా ఆసక్తికరంగా సాగింది. హీరోహీరోయిన్ల మధ్య ప్రేమ సన్నివేశాల్లో బలం లేదు.
స్వతహాగా కూచిపూడి డాన్సర్ అయిన సంధ్యా డాన్స్ పరంగా సితార పాత్రకు పూర్తి న్యాయం చేసింది. నటనతోనూ ఆకట్టుకుంది. క్లాసికల్ డాన్సర్గా కమల్ కామరాజు, వెస్ట్రన్ డాన్సర్గా రోహిత్ బెహల్ ఒదిగిపోయారు. ఇక గురువుగా ఆదిత్యా మీనన్ పాత్రకు వందశాతం న్యాయం చేశారు. భానుప్రియ, శుభలేఖ సుధాకర్ పరిధి మేరకు మెప్పించారు. శ్రవణ్ భరద్వాజ్ సంగీతం సినిమాకు ఎసెట్. పాటలతోపాటు చక్కని నేపథ్య సంగీతం అందించారు సినిమాటోగ్రఫీ బాగుంది. అక్కడక్కడా కొన్ని సన్నివేశాలకు కత్తెర వేసుంటే ల్యాగ్ అనిపించేది కాదు. కెమెరా పనితనం, నిర్మాణ విలువలు బాగున్నాయి.
ట్యాగ్లైన్: ‘నాట్యం’ అసంపూర్ణం
Updated Date - 2021-10-22T20:54:17+05:30 IST