‘విక్రమ్ రాథోడ్’ అన్ని వర్గాలనూ ఆకట్టుకుంటుంది
ABN, First Publish Date - 2021-12-16T15:58:09+05:30
తాను నటించిన విక్రమ్ రాథోడ్ చిత్రం అన్ని వర్గాల ప్రజలనూ ఆకట్టుకుంటుందని ప్రముఖ హీరో విజయ్ ఆంటోని అన్నారు. తిరుపతి సమీపంలోని తాజ్ హోటల్లో బుధవారం విక్రమ్ రాథోడ్ చిత్రం టీజర్తో పాటు, ఆడియో ఆవిష్కరణ
- ఆడియో ఆవిష్కరణలో హీరో విజయ్ ఆంటోని
తిరుచానూరు(చెన్నై): తాను నటించిన విక్రమ్ రాథోడ్ చిత్రం అన్ని వర్గాల ప్రజలనూ ఆకట్టుకుంటుందని ప్రముఖ హీరో విజయ్ ఆంటోని అన్నారు. తిరుపతి సమీపంలోని తాజ్ హోటల్లో బుధవారం విక్రమ్ రాథోడ్ చిత్రం టీజర్తో పాటు, ఆడియో ఆవిష్కరణ జరిగింది. ఈ సందర్భంగా ఆయన మాట్లాడుతూ కమర్షియల్ ఎంటర్టైన్మెంట్తో కలిపి అన్ని హుంగులతో ఈ చిత్రాన్ని పెప్సీ శివ నిర్మించారన్నారు. తెలుగులో ఈ చిత్రాన్ని రావూరి వెంకటస్వామి విడుదల చేయడం ఆనందంగా ఉందన్నారు. తాను నటించిన బిచ్చగాడు, సలీం చిత్రాలకు సీక్వెల్స్ రానున్నాయని తెలిపారు.విక్రమ్ రాథోడ్ చిత్రం ఈ నెలాఖరులో విడుదలవుతుందన్నారు. ఇళయరాజా అందించిన మంచి సంగీతంతో పాటు ఎమోషన్స్, ఫైట్లు ప్రేక్షకులకు కనువిందు చేస్తాయన్నారు. తెలుగు ప్రేక్షకులు కూడా ఈ చిత్రాన్ని ఆదరించాలని హీరోయిన్ రమ్యానంబీసన్, నిర్మాత పెప్సీ శివ కోరారు. చిత్ర దర్శకుడు బాబు యోగేశ్వరన్ మాట్లాడుతూ విక్రమ్రాథోడ్ అద్భుతంగా రూపొందించామన్నారు. రావూరి వెంకటస్వామి మాట్లాడుతూ భవిష్యత్తులో విజయ్ ఆంటోనీతో తెలుగు చిత్రం నిర్మిస్తానన్నారు. ఈ కార్యక్రమంలో నటుడు వైజీ మహేంద్రన్, డాక్టర్ మాధురి, రావూరి బాలాజి తదితరులు పాల్గొన్నారు.