వరుణ్‌తేజ్‌ 'గని'... ఫస్ట్ లుక్, మోషన్ పోస్టర్ విడుదల
ABN , First Publish Date - 2021-01-19T16:17:35+05:30 IST
వరుణ్ తేజ్, కిరణ్ కొర్రపాటి చిత్రానికి 'గని' అనే టైటిల్ ను ఖరారు చేశారు. ఫస్ట్ లుక్, మోషన్ పోస్టర్ విడుదల చేశారు.
మెగా ప్రిన్స్‌ వరుణ్‌తేజ్‌ పుట్టినరోజు నేడు(జనవరి 19). ఈ సందర్భంగా ఆయన లేటెస్ట్‌ మూవీకి సంబంధించిన అప్‌డేట్‌ను చిత్ర యూనిట్‌ అనౌన్స్‌ చేసింది. కిరణ్ కొర్రపాటి దర్శకుడిగా పరిచయం అవుతున్నారు. అల్లు అరవింద్‌ సమర్పణలో రెనాయిసెన్స్‌ పిక్చర్స్‌, అల్లు బాబీ కంపెనీ బ్యానర్స్‌పై సిద్ధు ముద్ద, అల్లుబాబీ ఈ చిత్రాన్ని నిర్మిస్తున్నారు. ఈ సినిమాకు 'గని' అనే టైటిల్‌ను ఖరారు చేస్తూ ఫస్ట్‌లుక్‌, మోషన్ పోస్టర్ విడుదలైంది. సినిమాలో వరుణ్‌తేజ్‌ బాక్సర్‌ పాత్రలో కనిపిస్తున్నారు. ఫస్ట్‌లుక్‌లో ఆ విషయాన్ని రివీల్‌ చేశారు. ఈ ఏడాది జూలైలో సినిమాను విడుదల చేయబోతున్నట్లు ప్రకటించారు. బాలీవుడ్‌ బ్యూటీ సయీ మంజ్రేకర్‌ హీరోయిన్‌గా నటిస్తోన్న ఈ చిత్రంలో ఉపేంద్ర, జగపతిబాబు, సునీల్‌ శెట్టి తదితరులు కీలక పాత్రల్లో నటిస్తున్నారు. తమన్‌ సంగీతం అందిస్తున్న ఈ చిత్రానికి జార్జ్‌ సి.విలియమ్స్‌ సినిమాటోగ్రఫీ అందిస్తున్నారు.